Rosenberg

Dëse Geographiesartikel iwwer d' Belsch ass eréischt eng Skizz. Wann der méi iwwer dëst Thema wësst, sidd der häerzlech invitéiert, aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran.

Rosenberg Rousebierg
Land:	Belsch
Regioun:	Wallounien
Communautéit:	Franséischsproocheg Communautéit
Provënz:	Lëtzebuerg
Gemeng:	Arel
Awunner (Uertschaft):	5

Rosenberg, op Lëtzebuergesch Rousebierg, ass eng belsch Uertschaft an der Provënz Lëtzebuerg mat fënnef Haiser op der belsch-lëtzebuergescher Grenz op der Nationale 4. Domatter läit si och um Trajet vun der Voie de la Liberté

Op dëser Plaz ass de Grenziwwergang tëscht Lëtzebuerg mat der Uertschaft Stengefort an, an der Belsch, mat der nächster gréisserer Uertschaft Sterpenich. Den Numm Rousebierg gëtt allerdéngs, ausser um Stroosseschëld an als administrativ Bezeechnung, kaum gebraucht. D'Leit aus der Géigend soen einfach d'Stengeforter Grenz derfir.

Op der Sichmaschinn vu Michelin ass en deemno och net ënner dem Numm Rosenberg ze fannen. Si gëtt en awer als Numm vun der Strooss op där Plaz un an zwar tëscht dem Kilometerpunkt 188 an 189 vun der Nationalstrooss N4 déi do nach den Numm Voie de la Liberté huet .

Op der Grenz vu Rosenberg läit e klengt Fluchfeld fir ULMen.

Commons: Rosenberg – Biller, Videoen oder Audiodateien