Ruslana Lyjytschko

Vu Wikipedia
Wiesselen op: Navigatioun, sichen
D'Ruslana Lyjytschko am Januar 2012

Ruslana Lyjytschko (Ukrainesch Руслана Лижичко/Ruslana Lyjytschko; no der englescher Transkriptioun meeschtens als Ruslana Lyzhychko resp. Ruslana Lyzhichko geschriwwen; gebuer de 24. Mee 1973 zu Lemberg), ass eng ukrainesch Sängerin, Dänzerin, Produzentin a Komponistin.

Biographie[änneren | Quelltext änneren]

D'Ruslana Lyjytschko ass zanter 1995 mam Produzent Alexander Ksenofontow bestuet. Zesumme bedreiwe se zanter 1993 d'Studio Luxen, an deem Filmtrailer fir Musicals a Radiosreklammen gemaach ginn.

Schonn als Kand huet d'Ruslana an der Grupp Orion gesongen, spéider am Kannerensemble Smile. Si huet un der Dirigente-Fakultéit vum Lemberger Conservatoire studéiert. Si schreift, komponéiert a produzéiert hir Lidder selwer, genee sou wéi hir Musekvideoen. Am Joer 1998 hat si an der Ukraine en éischte Succès mat dem Song Sunrise (Svitanok, Ukr), wou et och e relativt erfollegräicht Musekvideo dozou gouf. Hiren Album A Moment of Spring (Myt' vesny, Мить весни, Ukr) war och en Erfolleg. Am Joer 1999 huet si bei der Verfilmung vum Chrëschtdags-Musical The Final Christmas of the 1990s (Ostanne rizdvo 90th) matgespillt, déi déi ukrainesch Auszeechnung Movie of the Year krut. D'ukrainesch Televisioun huet d'Ruslana zur Perséinlechkeet vum Joer 2000 gewielt. Hiren erollegräichen Album Wild Dances (ukrainesch дикі танці/Dyki Tanzi), deen 2003 erauskoum, krut als éischten Album iwwerhaapt Platin fir 100.000 verkaafte Exemplairen, an engem Land mat ausgeprägtem Museksschwaarzmaart eng erstaunlech Leeschtung.

D'Ruslana huet 2004 d'Eurovisioun mam Titel Wild Dances mat 280 Punkte gewonnen. Si krut aus 35 vun den 36 Deelhuelernatiounen Punkten. Am Lidd sinn Elementer aus der Folklore vun den Huzulen-Volleksgrupp aus de Karpaten. D'Lidd gouf duerch eng intern Jury vum ukrainesche Televisiounssender NTU fir d'Participatioun un der Eurovisioun ausgewielt. D'Lidd war fir den Album mam selwechten Numm geduecht, mä wéinst der Quantitéit u Material op de geplangten Album Wild Dances 2 opgestockt. Op der Bühn zu Istanbul gouf si vum ukrainesche Ballett Jyttja (ukrain. Життя) ënnerstëtzt.

D'Ruslana ass eng Symbolfigur fir d'Orange Revolutioun am Joer 2004 ginn. Si huet sech no der Walfälschung bei de Walen als eng vun den éischten an der Demokratiebewegung op dem Wiktor Juschtschenko senger Säit agereit a gëtt haut als Symbol fir déi modern Ukraine verstanen.

D'Ruslana wierkt och beim Projet Begegnungen - Eine Allianz für Kinder vum Peter Maffay mat.

Diskographie[änneren | Quelltext änneren]

Albumen[änneren | Quelltext änneren]

  • Myt' Vesny - Dzvinkiy viter (1986, 1998)
  • Ostannye rizdvo 90 (1999)
  • Naikrashe (2001)
  • Dobriy vechir, tobi... (2002)
  • Dyki Tantsi (2003)
  • Dyki Tantsi + Bonus (2004)
  • Wild Dances (2004)
  • Wild Dances (New Year Edition) (2005)
  • Wild. Club'in (2005)
  • Amazonka (2008)

Singlen[änneren | Quelltext änneren]

  • Wild Dances (2004)
  • Dance with the wolves (2004)
  • The Same Star (2005)
  • Dyka Enerhiya (2006)

Um Spaweck[änneren | Quelltext änneren]

Commons: Ruslana Lyjytschko – Biller, Videoen oder Audiodateien