Sascha Ley

Vu Wikipedia
Wiesselen op: Navigatioun, sichen

D'Sascha Ley, gebuer den 13. September 1967 zu Saarbrécken, ass eng däitsch-lëtzebuergesch Schauspillerin, Komponistin a Sängerin.

D'Sascha Ley huet hir Kandheet bis 11 Joer tëscht Lëtzebuerg an Däitschland verbruecht, an ass duerno an der Stad Lëtzebuerg opgewuess.

Nieft dem Gesank an dem Schauspill gëtt si sech an de leschten Joren och ëmmer méi mat der Kompositioun, dem Schreiwen a geleeëntlech der Dramaturgie-Regie fir Danztheaterproduktiounen of.

2005 gouf si op der Berlinale als European Shooting Star fir Lëtzebuerg designéiert, 2004 krut si de Präis fir déi bescht Interpretatioun vun den More Songs For Life vun der Aids-Hëllef-Initiative. 2009 ass si mat hirem Trio KALIMA mat dem Prix du public vum Tremplin JAZZ d'Avignon ausgezeechent ginn.

2007 huet d'Sascha Ley hiren éischte selwerkomponéierten Album "Travelling Light" verëffentlecht. 2010 gouf den Album "Kalima" an 2013 den Album "Everything Wihtin" publizéiert.

Filmer (Auswiel)[änneren | Quelltext änneren]

Kino[änneren | Quelltext änneren]

Tëlee[änneren | Quelltext änneren]

Musek[änneren | Quelltext änneren]

Souwuel am Gesank wéi och an hire Kompositioune beweegt sech d'Sascha Ley fléissend tëscht Jazz, fräier Improvisatioun, imaginärem Folklore, dem Chanson a geleeëntlechem Flirte mat zäitgenëssescher Musek.

Si huet bei der hollännescher Sängerin Reinette van Zijtveld un der DJAM Jazz School zu Amsterdam a spéider zu Kenny Seymour an um Conservatoire vun der Stad Lëtzebuerg studéiert, gefollegt vu Stagen a Masterclass mam Meredith Monk, Gabriele Hasler, Sainkho Namtchylak, Shelley Hirsch a Frank Köllges. Um Jazz India Vocal Institute zu Mumbai huet si ënner der Leedung vun Dhanashree Pandit-Rai Ablécker an de klasseschen Hindustanesche Gesank kritt.

D'Sascha Ley séngt a komponéiert fir hir eege Pojeten an heiansdo op Optrag fir Filmmuseken, Radio a Studio.

Diskographie[änneren | Quelltext änneren]

Um Spaweck[änneren | Quelltext änneren]

Kuckt och[änneren | Quelltext änneren]