Sauli Niinistö

Vu Wikipedia
Wiesselen op: Navigatioun, sichen
De Sauli Niinistö (2011)

De Sauli Väinämö Niinistö, gebuer de 24. August 1948 zu Salo, Finnland, ass e finnesche Politiker, Bankier a Jurist. Hien ass Member vun der konservativer Nationaler Sammlungspartei.

Hien ass zanter dem 1. Mäerz 2012 President vun der Republik Finnland.

De Niinistö war vun 1995 bis 1996 Justizminister an duerno bis 2003 Finanzminister an der Regierung vum Premier Paavo Lipponen.

2006 war hie Kandidat bei de Presidentschaftswalen, a krut am 2. Tour 48,2 % vun de Stëmmen, sou datt d'Tarja Halonen erëmgewielt gouf. Bei de finnesche Parlamentswale vum Mäerz 2007 krut hien iwwer 60.000 perséinlech Stëmmen, souvill wéi kee virun him an der 100järeger Geschicht vun de Walen a Finnland. Am Abrëll 2007 gouf hien zum President vum finnesche Parlament gewielt. Hien ass ausserdeem bis 2011 Vizepresident vun der Europäescher Investitiounsbank.

Bei der Presidentewal am Januar/Febraur 2012 war den Niinistö op en neies Kandidat vun der Nationaler Sammlungspartei. Am éischten Tour krut e mat 37 Prozent déi meescht Stëmmen. Den 2. Tour, de 5. Februar 2012, huet hie géint de Pekka Haavisto gewonnen.

Um Spaweck[änneren | Quelltext änneren]

Commons: Sauli Niinistö – Biller, Videoen oder Audiodateien

Referenzen[änneren | Quelltext änneren]