Sauvetage
Vu Wikipedia, der fräier Enzyklopedie.
De Sauvetage ass e Service vun der Protection Civile. Vun deene 25 Zenteren am Land hunn 23 e "Service de Sauvetage". Hir Aufgab ass grossomodo gesinn den techneschen Aspekt vun der Rettung, ofgesi vum Asaz am Feier, fir dee gréisstendeels d'Pompjeeën zoustänneg sinn. Duerfir sinn déi meescht Zenteren mat engem VW LT35 ausgeriicht, deen emgebaut ass, fir déi verschidde Servicer unzebidden. Den LT35 huet ënnert anerem:
- Schéier
- Spräizer
- Motorsee
- Geschirkëscht
- Verbandskoffer
- Stroumaggregat
- Kompressor
- Hiewkëssen
- weidert Rettungsmaterial
De Gros vun den Sauvetageasätz sinn Uelegspueren besäitegen, Beem ewechmaachen, Autoen auserneenhuelen, Leit aus Gebaier biergen oder aus hirer dacks mësslëcher Situatioun befräien, souwéi den Ambulancieren eng Hëllefstellung ginn. Alarméiert ginn d'Sauveteuren iwwert e Piepser.
Anert Material dat de Sauvetage huet:
- Boot
- Kran
- Ventilator
- Gerätween
- Läschween
- Mannschaftstransportween
- Kommandoween
