Schäinbaren Duerchmiesser
Vu Wikipedia, der fräier Enzyklopedie.
De schäinbaren Duerchmiesser (och schäinbar Gréisst) vun engem Objet ass de Wénkel, ënner deem et vu sengem Observateur gesi gëtt.
D’Bild riets verdäitlecht den Zesummenhang tëschent der schäinbarer Gréisst α, Distanz r an der richteger Gréisst g vun engem Objet. Et léisst sech doraus folgend Bezéiung tëschent den dräi Gréissten ofleeden:
An der Geodäsie kann mat engem Objets den eng genormte Gréisst g huet, beispillsweis eng senkrecht opgestallte Laat, aus der schäinbarer Gréisst α d’Distanz r berechent ginn:
An der Astronomie ka bei bekanntem Ofstand r (kuckt Distanzbestëmmung) vun engem Objet deem seng ongeféier richteg Ausdeenung g berechent ginn:
E Problem heibäi ass, datt astronomesch Himmelskierper wéi z. B. diffus Niwwel heefeg onregelméissige Formen opweisen oder wéi bei de Galaxien meeschtens eng Schréigt besëtzen.. Dofir kritt e wann e verschidde Methoden fir d'Distanzsmiessung gebraucht, méiglecherweis ënnerscheedlech Distanzen r. Doraus ergi sech an der Berechnung bei derselwechter schäinbarer Gréisst α liicht ënnerscheedlech Ausdeenungen g. Opgrond vun de risegen Distanze spillt dëst an der Praxis allerdéngs nëmmen eng kleng Roll. Bei Observatioune vun Objeten a kosmologeschen Distanzen, gëtt deen uewen duergestallten Zesummenhang tëschent schäinbarer Gréisst, Ausdeenung an Distanz vun engem Objet och nach duerch d’Raumkrëmmung erhiewlech verkomplizéiert.
