Scrubs

Vu Wikipedia
Wiesselen op: Navigatioun, sichen

Televisiounsserie

Scrubs (Logo).png

Daten
Originaltitel: Scrubs
Produktiounsland: USA
Éischt Folleg: 2. Oktober 2001
Dauer: 22 Minutten
Originalsprooch: Englesch
Folgen: 145
Equipe
Iddi: Bill Lawrence
Produzent: Touchstone Television
Haaptacteuren Zach Braff
Sarah Chalke
Donald Faison
Neil Flynn
Ken Jenkins
John C. McGinley
Judy Reyes
D'Originalbesetzung vu Scrubs

Scrubs ass eng US-amerikanesch Klinik-Sitcom, déi 2001 vum Auteur Bill Lawrence entwéckelt gouf. An der Serie geet et ëm d'Ängschten an d'Problemer vu jonken Doktere bei hiren éischte professionelle Aktivitéiten an enger Klinik. Wéi sou dacks verbanne sech dobäi dramatesch an witzeg Elementer.

Ëm wat geet et?[änneren | Quelltext änneren]

Am Mëttelpunkt vun der Serie steet den Erzieler a jonke Medeziner John Dorian, och J.D. genannt. Direkt no der Universitéit kënnt en an den alldeegleche Betrib vum Sacred Heart Hospital. Do léiert den J.D. mat den Héichten an Déifte vu sengem neie Beruff ëmzegoen a léisst de Spectateur dobäi u senge Gedanken, Ängschten an Dagdreem deelhuelen. Mat der Zäit entwéckelt hie sech weider a gewënnt philosophesch Erkenntnesser.

Ähnlech ergeet et sengen zwee Alterskollegen, dem Christopher Turk, dee bis zum Schluss vun der 4. Staffel beim J.D. wunnt, an der attraktiver an éiergäizeger Elliot Reid, déi awer meeschtens duerch hiert onséchert an tollpatschegt Optrieden opfält. Ënner deenen dräi entwéckelt sech e gutt Verhältnes a si gi Frënn.

An engem anere Verhältnes stinn déi dräi mat deem strenge Chefdokter Robert "Bob" Kelso an dem sarkasteschen Uewerdokter Perry Cox, dee gewëssermoossen de Mentor vum J.D. gëtt. Dem Kelso geet et ëmmer nëmmen ëm d'finanziellt Wuel vun der Klinik an de Cox bestécht duerch seng Ethik, schéngt awer en emotionaalt Wrack ze sinn. Hie gëtt sech zu jiddwerengem ganz distanzéiert, wat sech duerch säin zyneschen Humor ausdréckt. Hie spillt ëmmer de béisen Dokter dee seng Stagiaire graff upeekt an se ëmmer erëm mat den zwee Féiss op de Buedem zréck bréngt.

An der Klinik fënnt den J.D. an der Persoun vum Hausmeeschter, deem säin Numm ni genannt gëtt, e Géigner. Dee mécht dem J.D. vun Ufank un d'Liewen an der Klinik net méi einfach.

Dem Turk geet et do ewell e bësse besser well hien eng Relatioun mat der Krankeschwëster Carla Espinosa ageet, si no der 3. Staffel bestit a mat hir an der 6. Staffel e Kand kritt.

D'Geschichte vu Scrubs bezéien hire Reiz duerch hiren Humor an Emotiounen, duerch hir déifgrënneg Wourecht an duerch d'mënschlech Problemer vun de Protagonisten. D'Charaktere sti mat de Féiss um Buedem vun der Realitéit a besonnesch d'Komik, déi sech an de Situatiounen oder an de Gedanke vun de Schauspiller ofspillt, gefält.

Um Spaweck[änneren | Quelltext änneren]