Sieschter
Vu Wikipedia, der fräier Enzyklopedie.
E Sieschter, aus dem Latäin "sextarius" = 1 Sechstel huet puererlee Bedeitungen:
Inhaltsverzeechnes |
[änneren] Eng Huelmooss
Eng Huelmooss fir Fruucht an aner Feldfriichten oder och Uebst, déi hautdesdaags net méi vill gebraucht gëtt. Si gouf haaptsächlech an de Bauerebetriber a bei de Mëllere gebraucht. Et war ee Sechstel vun enger Ball oder duebelen Zenner.
De Sieschter gouf a Kierf gemooss. Sou huet ee fir een Zenner Huewer z.b. dräi Sieschterkierf voll gebraucht. Fir den Handel mat Privatleit, déi keng sou grouss Quantitéite gebraucht hunn gouf et och nach Kierf vun engem hallwe Sieschter, wat ongeféier engem groussen Eemer entsprécht (ronn 9 Liter).
[änneren] Eng Flëssegkeetsmooss
E Sieschter Wäi waren eng aacht Pënten.
[änneren] Eng Flächemooss
E Flächemooss, datt d'Surface berechent, no der Quantitéit Geseems dat dofir néideg ass.
- "e Sieschter Land"
- "en Haff vun honnertfoffzeg Sieschter", entsprécht enger 15 ha.
[änneren] Ausdréck
- en "Duerfsieschter"
- e "Sieschterkuerf"
- d'Verb "sieschteren": Bei Felder, déi e groussen Ertrag haten "et sieschtert sech".
