Siwwenzéng Provënzen

Kaart vun de Siwwenzéng Provënzen. Déi rout Linn weist d'Deelung an déi Nërdlech an déi Südlech Nidderlanden, 1581.

Siwwenzéng Provënzen ass e Begrëff, mat deem déi Habsburgesch Nidderlanden tëscht 1543 an 1581 genannt ginn.

Wéi de Keeser Karel V. 1543 d'Herzogtum Geldern a säi Besëtz integréiert hat, bestoung e méi oder manner zesummenhängenden Territoire vu senge Grofschaften an Herzogtümer do an der Géigend. Just d'Prënzbistum Léck, tëscht dem Herzogtum Brabant an dem Herzogtum Lëtzebuerg, war eng gréisser Exklav.

01. Grofschaft Artois
02. Grofschaft Flandern
03. Lille, Douais an Orchies
04. Herrschaft Mechelen
05. Grofschaft Namur
06. Grofschaft Hainaut
07. Grofschaft Zeeland
08. Grofschaft Holland
09. Herzogtum Brabant mat der Markgrofschaft Antwerpen
10. Herzogtum Limburg mam Pays d'Outre-Meuse
11. Herzogtum Lëtzebuerg
12. Herrschaft Friesland (zënter 1515)
13. Tournai an Ëmgéigend (zënter 1521)
14. Herrschaft Utrecht (zënter 1528)
15. Herrschaft Overijssel, mat ë. a.Drenthe, Lingen, Wedde an dem Westwoldingerland (zënter 1528)
16. Herrschaft Groningen (zënter 1536)
17. Herzogtum Geldern an d'Grofschaft Zutphen (zënter 1543)

Och wann d'Zuel 17 net ëmmer wuertwiertlech ze huele war, sou hat de Begrëff "Siwwenzéng Provënzen" sech och doduerch gefestegt, datt et zu engem bestëmmte Moment 17 Representante bei de Generalstaate vun den Nidderlanden zu Bréissel gouf.