Skatepark Péitruss

Vu Wikipedia
Vue vun der Aler Bréck op de Skatepark
De Skatepark am Dall vun der Péitruss

De Skatepark Péitruss ass e Skatepark am Péitrussdall ënnert der Aler Bréck am Stater Quartier Gronn. En huet eng Fläch vun 3.400 m², vun deenen der 2.500 m² fir Skateboarding reservéiert sinn.[1]

Et ass den zweete Skatepark an der Stad Lëtzebuerg. Zu Hollerech am fréiere Schluechthaus gëtt et schonn een, deen awer iwwerdaacht ass.[2]

Geschicht[änneren | Quelltext änneren]

2004 hu Skateboard-Enthusiasten vun der a.s.b.l. skatepark.lu fir d'éischte Kéier Vertrieder vun der Gemeng kontaktéiert, fir iwwer de potentielle Bau vun engem Skatepark am Zentrum vun der Stad Lëtzebuerg ze diskutéieren.[3] 2008 ass d'Plaz bei der Rue Saint-Quirin fir weider Studien vum Stater "Service des Parcs" zeréckbehale ginn. Am Juli 2013 gouf de Virprojet dem Gemengerot presentéiert an en initiale Budget vun 1,445 Milliounen Euro[4] gestëmmt.[5] Am Juni 2015, no der offizieller Ausschreiwung, huet de Gemengerot säin entgültegen Accord fir esou eng Anlag ginn, an de Budget op zwou Milliounen Euro erhéicht.[2][5]

De Skatepark ass den 22. Juli 2016 opgaangen.[6]

Den 3. September 2016 huet sech e Mann suicidéiert, andeems e vun der Aler Bréck gesprongen ass. En ass direkt nieft dem Agank vum Skatepark opgeschloen, och net wäit vun enger Spillplaz ewech. Dat Ganzt ass vu ville Kanner a Jugendleche gesi ginn.[7] Doropshin gouf eng provisoresch Clôture op der Bréck installéiert.[8],[9]

Um Spaweck[änneren | Quelltext änneren]

Commons: Skatepark Péitruss – Biller, Videoen oder Audiodateien
Déi selwecht Plaz 1980 vun der Aler Bréck aus gesinn

Referenzen[Quelltext änneren]

  1. Beschreiwung um Site vun der Stad Lëtzebuerg (gekuckt de 27. August 2017)
  2. 2,0 2,1 Luxemburger Wort: Der "Skatepark Péitruss" kündigt sich an (3. Februar 2016)
  3. Eldoradio: E Freideg geet den Skatepark offiziell op (19. Juli 2016)
  4. Paperjam: Un skatepark dans la Pétrusse (6. Juli 2015)
  5. 5,0 5,1 Geschicht vum Skatepark Péitruss op skatepark.lu (gekuckt de 27. August 2017)
  6. L'essentiel: Hier schlägt das Skaterherz Purzelbäume (21. Juli 2016)
  7. Le Quotidien: Suicides à Luxembourg-Ville : la sécurisation du viaduc à l'étude (13. September 2016)
  8. L'essentiel: Stadt Luxemburg will das Viadukt absichern (9. September 2016)
  9. Eldoradio: Stëmmen no Schutz gi méi haart (6. September 2016)