Sky & Telescope
Vu Wikipedia, der fräier Enzyklopedie.
Sky & Telescope (S&T) ass déi gréissten amerikanesch Zäitschrëft fir Amateurastronomen.
D'Zäitschrëft kënnt all Mount eraus an huet ënner aneren dës Themen:
- Fachartikel iwwer Astronomie a Raumfaart
- Astronomesch Kuerznorichten a Buchbespriechungen
- Tabellen a Karten vun aktuellen astronomeschen Erscheinungen
- Neiegkeete vun den amerikaneschen Astroveräiner
- Tester vun astronomesche Instrumenter an Astroprogrammen
- Teleskop selwer bauen (amateur telescope making)
- Astrofotografie.
D'Artikele sinn fir de Fachlieser geschriwwen a stamen dacks aus der Fieder vu Berufsastronomen. Déi meeschten Illustratioune si faarweg, a bei Himmelsfotoe gëtt dorop opgepasst, fir och niewent Fotoe vu groussen Observatoiren och Biller vun Amateurastronome ze bréngen.
D'Zäitschrëft gouf 1941 duerch eng Fusioun vun de Zäitschrëften The Sky an The Telescope gegrënnt. Editeur ass Sky Publishing, eng Sectioun vun der New Track Media, LLC.
