Spaghetti

En Teller gekachte Spaghetti

Spaghetti al pomodoro e basilico

Spaghetti sinn Nuddelen aus dem Schmull vun haardem Weess, déi e ronnen, (gekacht) ongeféier 2 mm décken Duerchmiesser hunn an ongeféier 30 cm laang sinn. Si kommen ursprénglech aus Italien. Méi dënn Spaghetti gi Spaghettini, méi décker Spaghettoni genannt.

D'Wuert Spaghetti kënnt vum Italienesche spago 'Schnouer' → Diminutiv spaghetto 'Schnéierchen' → Plural spaghetti). Am Lëtzebuergeschen héiert een och alt "Spaghettien", wat en duebel markéierte Plural ass.

An der Kiche gi Spaghetti entweder nëmme mat Ueleg a Gewierzer aromatiséiert, wéi bei de Spaghetti aglio e olio, oder mat enger sämeger Zooss, déi liicht pechech ass, wéi bei de Spaghetti alla napoletana zervéiert.

Spaghetti-Platen

• Spaghetti aglio e olio - mat Knuewelek an Olivenuelech
• Spaghetti alla carbonara - mat Speck, Ee a Kéis
• Spaghetti alla napoletana - mat Tomatenzooss
• Spaghetti alla puttanesca - mat enger schaarfer a gehäerzter Tomatenzooss an Anchoisen, Peperoni, Oliven a Kaperen
• Spaghetti alla gricia - mat gebrodenem Speck a Pecorino-Kéis
• Spaghetti alle vongole - mat Vongole-Muschelen
• Spaghetti all'arrabbiata - mat Speck, Tomaten a Chilischek
• Spaghetti Bolognese - mat Tomatenzooss a Gehacktes

Linken

Kuckt och

• Spaghetti-Bam - en Abrëllsgeck vun der BBC aus dem Joer 1957
• Spaghettimonster, dat flitt - eng Reliounsparodie
• Spaghettizaang
• Spaghettisläffel

Um Spaweck

Commons: Spaghetti – Biller, Videoen oder Audiodateien