Stan Laurel
De Stan Laurel, mam richtegen Numm Arthur Stanley Jefferson, gebuer de 16. Juni 1890 zu Ulverston (Vereenegt Kinnekräich) a gestuerwen den 23. Februar 1965 zu Santa Monica, Kalifornien, war e britesche Schauspiller a Komiker, dee virun allem bekannt war als den "Dënnen" vum Komiker-Duo Den Décken an den Dënnen.
De Laurel war de Jong vun engfem britesche Show-Artist. 1910 ass hie fir d'éischte Kéier an d'Vereenegt Staate gaangen, als Member vun der Fred Karno-Trupp, an där och den Charlie Chaplin war. De Laurel ass an den USA bliwwen, wou e Vaudeville-Theater gespillt huet a geleeëntlech a Stommfilmer opgetrueden ass.
1926 huet hie ugefaangen, an de Filmer fir d'Hal Roach-Studioe mam Oliver Hardy zesummenzeschaffen. Si hate geschwënn e grousse Succès als Stommfilm-Kommikerduo. Méi spéit hu si och Tiounfilmer zesumme gemaach. De Stan Laurel war dee kreativen Deel vum Duo, deen am meeschten zu den Dréibicher bäigedroen huet.
