Taxi
 |
Dësen Artikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert, aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
En Taxi ass en Individualverkéiersmëttel (an der Regel en Auto) mat engem Chauffer, dee Passagéier, géint Bezuelen, dohinner féiert, wuer se wëllen. Et erkennt ee se un enger Opschrëft oder engem Schëld um Daach ("Taxi"), oder un enger bestëmmter Faarf.
En Taxi kann ee bestellen - z.B. iwwer Telefon, bei engem Taxisstand opsichen oder op der Strooss unhalen. De Präis riicht sech entweder no der Distanz an der Zäit, déi gebraucht gëtt; e kann awer och als Forfait virun der Rees festgeluecht ginn.
Gewéinlech muss een eng Lizenz hunn, fir en Taxisbetrib kënnen z'exploitéieren.
Inhaltsverzeechnes |
[änneren] D'Taxiswiesen zu Lëtzebuerg
Zu Lëtzebuerg gouf et 2009 162 Firmen, déi Taxi- an Ambulanzdéngschter ugebueden hunn, dovunner waren der 118 just am Taxiwiesen aktiv.[1] 2008 hunn an deem Secteur 900 Leit geschafft.[2] Dem Statec no louch den Ëmsaz vum lëtzebuerger Taxissecteur 2007 bei 23,5 Milliounen Euro.[3] Gréisste Firma ass Colux, mat ronn engem Fënneftel vum Ëmsaz, wéi och vun de Salariéen; zwou weider, eng dovunner Benelux Taxis, hunn zesummen 18% vum Marché, wéi och vum Personal.[4] Vill Firmen am Taxiwiesen sinn 1-Mann-Betriber: 36% vun den Taxisentreprisen hu keen ee Salarié, d.h. de Chauffeur ass gläichzäiteg Patron vu senger Firma.[5]
E Chauffer vun engem lëtzebuergeschen Taxi muss e Führerschäi vun der Kategorie B hunn, bei deem entweder d'Stagezäit eriwwer ass, wann de Chauffer zu Lëtzebuerg wunnt, oder eng Period vun zwee Joer, wann de Chauffer am Ausland wunnt.
[änneren] Linken
[änneren] Kuckt och
[änneren] Um Spaweck
- Loi du 14 février 1955 concernant la réglementation de la circulation sur toutes les voies publiques, modifiée et complétée... - "Code de la route", besonnesch d'Art. 55 a 56).
- Règlement grand-ducal du 7 janvier 2009 modifiant le règlement grand-ducal modifié du 3 décembre 1997 portant réglementation des services de taxis à l'Aéroport de Luxembourg.
| Commons: Taxis – Biller, Videoen oder Audiodateien |
