Teide Observatoire

Den Observatoirberäich

Den Observatorio del Teide (Teide-Observatoire) ass en Observatoire um Bierg Izaña, op enger Héicht vu 2400 Meter iwwert dem Mier, op der Insel Teneriffa, no deem hien och Observatorio de Izaña genannt gëtt. E gehéiert zum Instituto de Astrofísica de Canarias (IAC), a mécht zesumme mam Roque de los Muchachos Observatoire d'European Northern Observatory.

Geschicht

Am Joer 1964 gouf den Observatoire offiziell opgemaach. Dat éischt Teleskop war den Heliógrafo Razdow, deen haut net méi a Betrib ass. Duerch déi vergréissert Awunnerschaft vun Teneriffa hunn d'Bedingunge fir d'Himmelsfuerschung déi owens gemaach ginn staark ofgeholl. Dofir huet sech den Teide-Observatoire op d'Sonnenobservatioun spezialiséiert, déi 24 Stonnen deeglech kooperativ mat aneren Observatoire bedriwwe gëtt.

Teleskopen

Vakuumtuermteleskop fir Sonnenobservatioun VTT

D’Teleskop THEMIS

Sonnenteleskopen a Sonnelaboratoire

• Vakuumtuermteleskop (VTT): Haaptsächlech fir d'Observatioun vun der Sonnenatmosphär agesat. Den Duerchmiesser vum Haaptspigel huet 70 cm. Kiepenheuer-Institut fir Sonnephysik, Freiburg (1989).
• THEMIS: E Sonnenteleskop, dat haaptsächlech fir d'Observatioun vun de Sonnemagnéitfelder gebaut gouf. De Projet baséiert op enger Zesummenaarbecht vu Frankräich an Italien.
• Sonnenteleskop GREGOR: En neit Sonnenteleskop mat 1,5 Meter Haaptspigel. Kooperatioun vun KIS, MPS an AIP.
• ChroTel: Robotescht Teleskop mat 10 cm Ëffnung fir d'Observatioun vun der ganzer Sonnescheif, installéiert um VTT.

Nuetsteleskopen

• Carlos Sánchez (TCS): 1,55 Meter Haaptspigel, 1972 vu Groussbritannien opgebaut, zënter 1982 IAC, fir Infraroutobservatiounen optiméiert.
• Mons: 50 Zentimeter Haaptspigel, Universitéit Mons, 1972.
• IAC-80: 80 Zentimeter Haaptspigel, IAC, 1991.
• OGS: Optical Groundstation, 1 m Haaptspigel, ESA, 1998, fir visuell Satellittekommunikatioun a fir optesch Observatioun vu Weltraumschrott.
• STARE: 10 Zentimeter Haaptspigel, High Altitude Observatory, 2001, Sich no extrasolare Planéiten.
• Bradford robotescht Teleskop.
• STELLA robotescht Duebelteleskop: 2 x 1,2 Meter Haaptspigel, Astrophysikalescht Institut Potsdam, 2006.
• SLOOH: robotescht Teleskop vun Slooh USA, 2004.

Anisotropie vun der kosmescher Hannergrondstralung

• VSA (Very Small Array). Radiointerferometer
• COSMOSOMAS, Studium kosmologescher Strukturen, 1998

Um Spaweck

Commons: Observatorio del Teide – Biller, Videoen oder Audiodateien

• (es) (en) offiziell Websäit vum Observatorio del Teide
• IAC
• Themis
• Gregor
• ChroTel
• Stare
• Bradford
• Stella
• Aarbechtsgrupp kosmesch Hannergrondstralung um IAC

Kuckt och

Portal Astronomie