Teleskopleederwon mat Kuerf
En Teleskopleederwon mat Kuerf oder TLK, ass e Pompjeesgefier mat engem Hiefrettungskuerf, deen duerch en Teleskopaarm an d'Luucht ka gehuewe ginn.
Virdeeler vum Teleskopaarm[änneren | Quelltext änneren]
- Den Teleskopaarm ass bannen 30 Sekonnen ausgefuer.
- En Inox Waasserrouer ass integréiert. De Pompjee brauch kee Schlauch mat op d'Aarbechtsbün ze schleefen.
- D'Stabilitéit ass méi grouss wéi am Fall enger Leeder, déi keen aneren Halt huet.
- De Kuerf ka vun engem Kommandostull, deen nieft dem Aarmsockel fixéiert ass, vun hanner dem Won op Buedemhéicht (lénks oder riets) oder vun der Bün, dem "Kuerf" gesteiert ginn.
- Den Niveau gëtt duerch elektronesch gesteiert Säitestriewen automatesch ugepasst. Dat bréngt mat sech, wann den Aarm net iwwer déi maximal Nennausluedung geteiert ka ginn.
- D'Gesamtlängt vum Won geetnet iwwer 9 Meter eraus, an en huet hanne keen Iwwerhang. De Won ass also och a méi schmuele Stroossen ze benotzen.
- Mat Ausklappbün léisst sech Feier net nëmme vu vir bekämpfen, mä och vun der Säit.
Technesches[änneren | Quelltext änneren]
- Den Teleskopaarm huet eng Waasserleeschtung vun 2.300 Liter an der Minutt.
- Op der Bün ka geschafft gi bis op eng Héicht vun 32 Meter mat enger Kuerfbelaaschtung vun 325 Kilo.
Lëtzebuergesch Pompjeescorpsë mat TLK[änneren | Quelltext änneren]
Zu Lëtzebuerg gëtt et am Ament véier Pompjeescorpsen déi mat engem TLK ekipéiert sinn:
- Pompjeeë Gemeng Dikrech
- Pompjeeë Gemeng Gréiwemaacher, geliwwert am Mäerz 2006
- Pompjeeë Gemeng Mamer, geliwwert am Mee 2006 an ageweit am Juni 2006
- Pompjeeë Gemeng Schëffleng
De Weltmaart[änneren | Quelltext änneren]
De Weltmaart gëtt beherrscht vun "Bronto Skylift OY AB", eng finnesch Entreprise mat Filialen a Schweden, an der Schwäiz an an Däitschland, déi zu der "Federal Signal Corporation" gehéiert. Zanter bal 40 Joer gi Bronto Skylifte gebaut.