Terrestresch

Terrestresch ginn déi Methode, Virgäng, Daten, Systemer, Instrumenter, Organismen oder Objete genannt, déi

1. sech op de Planéit Äerd bezéien (terrestresch = ierdesch) oder
2. sech op der Äerd befannen resp. do stattfannen (terrestresch = äerdgebonnen) oder
3. zu der Landfläch vun der Äerd resp. zu Anwennungen oder Prozesser gehéieren, déi sech op dem Land (a net an der Luut oder um Waasser) ofspillen (terrestresch = landgestëtzt).

Beispiller

terrestresch = ierdesch

• Terrestresch Koordinate- a Bezuchssystemer (am Géigesaz zu astronomesche Systemer);
• planetar a global Eegeschaften déi zu der Äerd gehéieren (z.B.: Schwéierfeld, Magnetismus …), geologesch Virgäng souwéi entspriechend Miessdate;
• ierdesch Verhältnesser am Vergläich oder a Bezéieung zu der Sonn, zum Äerdmound, zu anere Planéite asw.

terrestresch = äerdgebonnen

• äerdgebonnene Observatoire, Miessinstrumenter oder Methode am Géigesaz zu anerer, déi am Loftraum oder Universum agesat ginn (z. B. satellitengestëtzte Methode);
  • sou gëtt eng Dateniwwerdroung iwwer Funk dann als terrestresch bezeechent, wa si kee Satellit als Tëschenstatioun genrauchen (z. B. steet den T an DVB-T fir „terrestresch“).

terrestresch = landgestëtzt

• landgestëtzte Verkéiersmëttel, Waffesystemer asw.
• Déiere, Planzen an aner Organismen souwéi geologesch Oflagerungsräim op dem Land – am Géigesaz zu deenen am Waasser (aquatil, aquatesch), also z.B. am Ozean (marin) oder am Bannegewässer (limnesch, fluviatil);
  • bei Planzen gi nëmmen Arte als terrestresch ugesinn, déi direkt am Äerdbuedem wuerzelen a net op Gesteng oder annere Planze asw. wuessen.

Kuckt och

• Extraterrestresch
• Terrestresch Televisioun
• terrestrescht Teleskop
• terrestresch Navigatioun

Um Spaweck

Wiktionnaire: terrestrisch – Definitioun, Synonymer an Iwwersetzungen