Thalys

Vu Wikipedia
Wiesselen op: Navigatioun, sichen
Den Thalys an der Gare vun Trooz

Thalys ass e Markenzeechen dat op der enger Säit ee bestëmmten TGV bezeechent, an op där anerer Säit och de Service dee vun der Eisebunn a Verbindung mat deem TGV gemaach gëtt. Den Thalys verbënnt Paräis mat Bréissel iwwer eng LGV-Streck an en huet Antennen vu do aus op Amsterdam a Köln. Op deene Linne mécht den Thalys den Déngscht zesumme mat aneren Héichvitessrammen, wéi den Eurostar an den ICE.

Allgemenges[änneren | Quelltext änneren]

  • D'Wuert Thalys ass e Konschtwuert dat 1996 geschaf ginn ass fir de Service ze bezeechenen. Et zeechent sech doduerch aus datt et sech an alle Sproochen déi am Operatiounsgebitt vum Thalys geschwat ginn, gutt ausschwätze léisst.
  • Virum Asaz vum Thalys an der Belsch, Holland an Däitschland goufe grouss Sanéierungen, u Strecken déi bestanen hunn an deels Néibauten, zum Beispill d'Streck Léiwen-Ans, gemaach.

Déi verschidde Rammemodeller[änneren | Quelltext änneren]

Thalys PBA
Thalys PBA redesign.jpg
Thalys PBA 4537
Thalys 4343 Koeln.jpg
Thalys PBKA 4343 am Kölner Hauptbahnhof
Technesch
Daten:
PBA PBKA
Nummeréierung: 4532-4540 4301-4307 (SNCB), 4321-4322 (DB), 4331-4332 (NS), 4341-4346 (SNCF)
Stéckzuel: 9 17
Constructeur: Alstom
Achsfolleg: Bo'Bo' + 2'2'2'2'2'2'2'2'2 + Bo'Bo'
Baujoren: 1995 1996-1997
Ausmusterung: Nach a Betrib
Sëtzplazen 377 (120 A + 257 B)
Déngschtmass: 108,12 Tonnen
Längt iwwer Puffer: 50.200 mm
Héicht ouni Pantograph: 4.300 mm
Déngschtmass: 386 Tonnen
Héchstvitesse: 300 km/h op Héichvitessestrecken 300 km/h op 25kV 50 Héichvitessestrecken
250 km/h op 15kV Héichvitessestrecken
220 km/h op klasseschen Strecken
Stroumsystemer: 1,5kV Gläichstroum
3kV Gläichstroum
25kV 50 Hz Wiesselstroum
1,5kV Gläichstroum
3kV Gläichstroum
15kV 16Hz Wiesselstroum
25kV 50 Hz Wiesselstroum
Leeschtung: 8800 kW (3880 kW ënner Gläichstroum)
Sécherheetssystemer ETCS, TBL2, ATB, TVM, KVB, PZB(PBKA)

Den Thalys huet 27 Rammen, dovun 10 PBA an 17 PBKA.

Thalys Paräis-Bréissel-Amsterdam[änneren | Quelltext änneren]

D'Thalys PBA sinn d'Dräi-System Variant vum Thalys. Den Numm PBA steet fir Paräis-Bréissel-Amsterdam, wat Haaptstreck fir déi Zich ass.

D'Thalys PBA si speziell modifizéiert TGVen, mat engem spezielle Pantographe an dem Sécherheetssystem ATB, déi doduerch an Holland fuere kënnen. Mam Enn am Abrëll 2007 vun den Thalys-Verbindungen op Roissy bei den Disney Park, war eng vun de PBA-Rammen iwwerflësseg an ass zanterhier als TGV ënnerwee.

Nieft der Verbindung Paräis-Bréissel-Amsterdam déi den Zich hiren Numm gëtt, lafen d'Thalys PBA och nach op de Verbindungen Ostende-Bréissel-Paräis a Léck-Namur-Charleroi-Paräis.

Thalys Paräis-Bréissel-Köln-Amsterdam[änneren | Quelltext änneren]

D'Thalys PBKA sinn d'Véier-System Variant vum Thalys. D'Modeller PBKA sinn mat allen techneschen Equipementer versinn, fir a Frankräich, der Belsch, Holland an Däitschland ze fueren. Et fënnt een déi Zich virun allem op der Verbindung bis Köln, si hëllefen awer geleeëntlech och op den anere Verbindungen aus.

Wei all d'Automotricë vum TGV sinn d'PBA an d'PBKA koppelbar.

Strecken[änneren | Quelltext änneren]

D'Streckennetz vum Thalys.

Modelleisebunnen[änneren | Quelltext änneren]

Vu Mehano a vu Märklin gëtt et den Thalys fir d'Spur HO a vun Hobbytrain fir d'Spur N.

Um Spaweck[änneren | Quelltext änneren]

Commons: Thalys – Biller, Videoen oder Audiodateien
Eurostar an Thalys an der Paräisser Gare du Nord
Den Thalis op der Streck Verviers - Léck vun hanne fotograféiert
Den Thalys den 12. Oktober um 13.30 kënnt aus Richtung Verviers a fiert an d'Gare vu Léck eran. Foto gouf gemaach zu Angleur op der Linn 37 nieft der Ofzweigung vun der Linn op Marche (Linn 43), um KP. 102,925.