Thierry van Werveke

Thierry van Werveke
Thierry van Werveke
Gebuer	23. Oktober 1958; Genf
Gestuerwen	12. Januar 2009; Lëtzebuerg
Doudesursaach	Kriibs
Nationalitéit	Lëtzebuerg
Aktivitéit	Filmschauspiller, Sänger, Televisiounsschauspiller

Den Thierry van Werveke, gebuer den 23. Oktober 1958 zu Genf an der Schwäiz a gestuerwen den 11. Januar 2009 zu Lëtzebuerg, war e lëtzebuergesche Schauspiller a Sänger.

Säi Liewen[änneren | Quelltext änneren]

Seng éischt Filmerfarung huet den Thierry van Werveke 1982 am Andy Bausch sengem Kuerzfilm Stefan gemaach. Zanterhier huet en an alle Spillfilmer vum Bausch, meeschtens an der Haaptroll, matgespillt. Geschwë goufen aner Regisseuren op en opmierksam; hien huet a Filmer vum Paul Kieffer (Schacko Klak), Marc Olinger (De falschen Hond) a Pol Cruchten (Hochzäitsnuecht) matgespillt. Abracadabra vum Harry Cleven war säin éischte Film op Franséisch. Mat senger Roll als de Belsch Henk am Knockin' on Heaven's Door, deen e grousse Succès an Däitschland war, gouf hie beim däitsche Publikum bekannt.

Hien huet reegelméisseg an däitsche Filmer, an Televisiounsfilmer, respektiv -serië matgespillt. Fir seng Roll an Eine andere Liga krut hien 2008 den Adolf-Grimme-Preis.

Den Thierry van Werveke huet och reegelméisseg a Lëtzebuerger Theaterproduktioune matgespillt, dacks ënner der Regie vum Frank Hoffmann.

Och als Sänger vun de Gruppen Nazz Nazz, Taboola Rasa a Luxus hat hien en treit Publikum.

Dee leschte Film, an deem hien an enger Haaptroll ze gesi war, war inthierryview, deen den Andy Bausch als eng Zort réckbléckende Portrait an Hommage 2008 gedréint huet, nodeem bekannt gi war, datt den Thierry van Werveke schwéier krank wier.

Hien ass den 11. Januar 2009 am Alter vu 50 Joer gestuerwen.^[1]

Den Til Schweiger huet dem Thierry van Werveke an der Barbara Rudnik posthum säi Film Zweiohrküken dedicasséiert.

Fir un hien z'erënnere gouf zu Diddeleng eng Plaz no him genannt, d'Place Thierry van Werveke.

Gielercher[änneren | Quelltext änneren]

1988: Beschte männlechen Acteur fir seng Roll am Troublemaker um Filmfestival vu La Clusaz (Frankräich)
2003: Lëtzebuerger Filmpräis als bescht kënschtleresch Kontributioun fir seng Roll am Le Club des Chômeurs
2008: Adolf-Grimme-Preis fir Eine andere Liga (ZDF/Arte), zesumme mat der Regisseurin Buket Alakus, dem Auteur Jan Berger an de Schauspiller Karoline Herfurth a Ken Duken.^[2]

Filmographie[änneren | Quelltext änneren]

Der Fürsorger, 2009, Regie: Lutz Konermann
Lingo vino, 2009, Regie: Daniel Texter
Räuberinnen, 2009, Regie: Carla Lia Monti
Réfractaire, 2009, Regie: Nicolas Steil
inthierryview, 2008, Regie: Andy Bausch
Tausend Ozeane, 2008, Regie: Luki Frieden
1 ½ Ritter, 2008, Regie: Til Schweiger
Luftbusiness, 2007, Regie: Dominique de Rivaz
Freigesprochen, 2006, Regie: Peter Payer
Deepfrozen, 2006, Regie: Andy Bausch
Perl oder Pica, 2006, Regie: Pol Cruchten
Tabula rasa, 2006, Regie: Alexander Eslam
The last 50 hours of Frankie Blue, Kuerzfilm, 2006, Regie: Andy Bausch
Bye Bye Blackbird, 2005, Regie: Robinson Savary
Eine andere Liga, 2005, Regie: Buket Alakus
Elegant, Kuerzfilm, 2004, Regie: Daniel Wiroth
La Revanche, 2004, Regie: Andy Bausch
Wolfzeit, 2002, Regie: Michael Haneke
Elefantenherz, 2001, Regie: Züli Aladag
Le Club des Chômeurs, 2001, Regie: Andy Bausch
Eduard's Promise, Regie: Andreas Wunderlich
Auf Herz und Nieren, 2000, Regie: Thomas Jahn
Nach der Zeit, 2000, Regie: Lars Büchel
Ein göttlicher Job, 2000, Regie: Thorsten Wettcke
Electric theatre, Documentaire, 2000, Regie: Andy Bausch
Jetzt oder nie, 2000, Regie: Lars Büchel
Die 3 Posträuber, 1998, Regie: Andreas Prochaska
Kai Rabe gegen die Vatikankiller, 1998, Regie: Thomas Jahn
Der Eisbär, 1998, Regie: Til Schweiger
Caipiranha, 1997, Regie: Felix Dünnemann
Back in Trouble, 1997, Regie: Andy Bausch
Knockin' on Heaven's Door, 1996, Regie: Thomas Jahn
Alles nur Tarnung, 1995, Regie: Peter Zingler
Hasenjagd, 1994, Regie: Andreas Gruber
Three Shake-a-leg Steps to Heaven, 1993, Regie: Andy Bausch
Abracadabra, 1993, Regie: Harry Cleven
Die Rebellion, 1992, Regie: Michael Haneke
Hochzäitsnuecht, 1991, Regie: Pol Cruchten
Dead Flowers, 1991, Regie: Peter Ily Huemer
De falschen Hond, 1990, Regie: Marc Olinger
Schacko Klak, 1990, Regie: Paul Kieffer
Heartbreakhotel, 1990, Regie: Andy Bausch
A Wopbopaloobop A Lopbamboom, 1989, Regie: Andy Bausch
Troublemaker, 1988, Regie: Andy Bausch
Gwyncilla, Legend of Dark Ages, 1986, Regie: Andy Bausch
Van Drosselstein, 1984, Regie: Andy Bausch
... der Däiwel, 1984, Regie: Andy Bausch
Die letzte Nacht, 1983, Regie: Andy Bausch
Cocaine Cowboy, 1983, Regie: Andy Bausch
Lupowitz, 1982, Regie: Andy Bausch
Stefan, 1982, Regie: Andy Bausch

Televisioun[änneren | Quelltext änneren]

Versailles, le rêve d'un roi, 2007, vum Thierry Bisinti
Der Tag des Jägers, 2006, aus der Tatort-Serie, Regie: Niki Stein, den Th.v.W. spillt e Lécker Policepsycholog
Nachtschicht: Der Ausbruch, Regie: Lars Becker
Die Pathologin (Skin Deep), 2005, Regie: Jörg Lühdorff
Alte Rechnungen, an der Roll vum Werner Mundt, 2005, Regie: Michael Schneider, aus der Serie SOKO Köln
Sperling und die letzte Chance, an der Roll vum Baldwin Grawert, 2004, Regie: Thomas Jahn, aus der Serie Sperling (Tëlee)
Ein krasser Deal (First Cut), 2003, Regie: Daniel Texter, W.-R. Kuhl, Christina Fürneisen
Crazy Race, 2002, Regie: Michael Keusch
Endspiel, 2001, Regie: Ciro Capellari, aus der Tatort-Serie, an der Roll vum Hänschen Schmidt, Platzwart FC Bremen, fir d'éischt gewisen den 20.5. 2002 op der ARD, dat war de 500. Tatort
Schützlinge, 2002, Regie: Martin Eigler, aus der Tatort-Serie, an der Roll vum Erwin Balzer, fir d'éischt gewisen den 3.3. 2002
Anwalt Abel: Der Voyeur, 2000, Regie: Fred Breinersdorfer
Die Geiseln von Costa Rica, 1999, Regie: Uwe Janson
Der Clown: Handyman, 1999, Regie: Michael Wenning
Hamburg - Stadt in Angst, 1999, Regie: Daniel Helfer
Ein großes Ding, 1999, Regie: Bernd Schadewald
Helicops: Verschwörung, 1999, Regie: Andy Bausch
Wolfs Revier: Zwei Seelen, ein Gedanke, 1999
Wolfs Revier: Ein grosses Ding, 1998, Regie: Bernd Schadewald
Die Neue: Eine Frau mit Kaliber, 1998
Kommissar Rex: Gefährlicher Auftrag, 1998
Ein Fall für Zwei: Falsche Partner, 1998, an der Roll vum Abriecher Carlo Lohmann, Regie: Uli Möller, fir d'éischt gewise ginn den 30.04.1999 um ZDF
Dinojagd, 1998, Regie: Andy Bausch, an der Balko-Serie
Die Straßen von Berlin: Die Bazooka Bande, 1998
Mondseecops, 1997, Regie: Jörg Grünler
Geisterjäger, John Sinclair, 1996, Regie: Klaus Knoesel
Der Venusmörder, 1996, Regie: Dominik Othenin Girard
Ex und Hopp, 1990, Regie: Andy Bausch