Tony Dutreux

Vu Wikipedia
Wiesselen op: Navigatioun, sichen
Den Tony Dutreux, ëm 1900. Foto: Eugène Pirou

Den Antoine, genannt Tony Dutreux, gebuer den 3. Mee 1838 an der Stad Lëtzebuerg, och do gestuerwen de 27. Juli 1933, war e lëtzebuergeschen Ingenieur a Politiker.

Den Tony Dutreux war Deputéierten an der Chamber vun 1881 bis 1886 a Member vum Stater Gemengerot vun 1881 bis 1887.

Vun him stamen d'Pläng vun der Fondation J.P. Pescatore (hie war e Grouss-Neveu vum Jean-Pierre Pescatore), fir där hire Bau fir d'éischt zu Lëtzebuerg Eisebetong gebraucht gouf. Hien huet och d'Pläng fir d'Schlass Kockelscheier entworf, a war Conseiller bei der Konstruktioun vum Cercles-Gebai op der Plëss d'Arem.

Och un der Elektrifizéierung vun der Stad huet hie matgeschafft.

Hie war Generalcommissaire fir d'Paräiser Weltausstellunge vun 1867, 1878, 1884 an 1900, a Member vu verschiddene Verwaltungsréit. Ausserdeem huet e sech ëm d'Ariichte vum Musée J.P. Pescatore (d'Collectioun koum méi spéit an d'Villa Vauban), an ëm d'Museksliewe verdéngt gemaach.

1907 huet hie vu senger Mamm, der Élisabeth Dutreux, d'Schlass vu La Celle Saint-Cloud geierft.

Literatur[änneren | Quelltext änneren]

  • Gilbert, P., 1986. La capitale et ses architectes : illustration critique de l'architecture dans la métamorphose d'une ville en un siècle. Institut grand-ducal, section des arts et des lettres, 222 S. Imprimerie Saint-Paul. BNL LB 1061, S. 158
  • Philippart, R., 2007. Luxembourg. Historicisme et identité visuelle d'une capitale. 207 S. éditions saint-paul. ISBN 978-2-87963-694-8, S. 98