Tour de France 2007

Vu Wikipedia
Generalklassement
1. Alberto Contador Spuenien an 91h00’26’’
2. Cadel Evans Australien + 23’’
3. Levi Leipheimer  USA 31’’
4. Carlos Sastre Spuenien 7’08’’
5. Haimar Zubeldia Spuenien 8’17’’
6. Alejandro Valverde Spuenien 11’37’’
7. Kim Kirchen Lëtzebuerg 12’18’’
8. Yaroslav Popovych Ukrain 12’30’’
9. Mikel Astarloza Spuenien 14’14’’
10. Oscar Pereiro Sio Spuenien 14’25’’
189 um Depart, 141 ukomm
Kaart vum Tour 2007

Den Tour de France 2007 war déi 94. Editioun vum Tour. E gouf an 23 Deeg, vum 7. Juli bis den 29. Juli gefuer. Den Depart war an England zu London.

Et war déi zweet Kéier datt den Tour op enger Insel fortgefuer ass. Déi éischt Kéier war den Tour vun 1998, deen an Irland zu Dublin säin Depart hat.

Et waren och zwou Etappen deelweis an der Belsch, an zwar de 27. Juli mat der Arrivée zu Gent, an den 28. Juli mat dem Depart zu Waregem.

Den Tour hat eng Totallängt vun 3.550 Kilometer, an en huet aus 20 Etappen an engem Prolog bestanen. Et goufe 6 Biergetappen, dovun 3 mat der Arrivée op der Spëtz vum Bierg. 11 Etappe ware flaach, an et goufen zwou Etappe géint d'Zäit gefuer.

Op dësem Tour waren zwielef nei Etappestied mat London, Canterbury, Waregem, Villers-Cotterêts, Joigny, Chablis, Semur-en-Auxois, Tignes, Tallard, Mazamet, Cognac a Marcoussis.

De Maillot jaune goung schlussendlech un de Spuenier Alberto Contador, dee gläichzäiteg och beschte jonke Coureur war, d'Punktwäertung vun de Sprinter huet den Tom Boonen fir sech entscheet, de Biergtrikot huet de Mauricio Soler mat heemgeholl, den Amets Txurruka huet de Präis vum Jury fir dee beschte Kamfgeescht kritt, am Ekippeklassement louch Discovery Channel vir.

Mam Kim Kirchen (T-Mobile) an dem Fränk Schleck (CSC) stoungen zanter 24 Joer fir d'éischt nees zwee lëtzebuergesch Coureure gläichzäiteg um Depart. De Kim Kirchen huet op der 15. Etapp als zweete geglänzt an ass duerno am Generalklassement exzellente 7. ginn, wat dat bescht Gesamtresultat vun engem Lëtzebuerger zanter dem Charly Gaul senger 3. Plaz beim Tour vun 1961 ass. De Fränk Schleck ass op déi ëmmer nach respektabel 17. Plaz am Generalklassement gefuer.

Och 2007 huet den Tour sech nees mat Dopingskandaler ploe missen. Virun der 10. Etapp gouf bekannt datt den dee Moment schonn ausgescheetene Patrik Sinkewitz bei einer Trainingskontroll vum 8. Juni 2007 positif getest gouf. ARD an ZDF hunn doropshin direkt opgehale live vum Tour ze senden, Sat.1 huet dat Lach den Dag drop awer nees zougemaach. Um Roudag vum 24. Juli gouf beim Alexander Winokurow Blutdoping bei der 13. a 15. Etapp festgestallt (wat dem Kim Kirchen d'Etappevictoire geklaut huet), seng Ekipp Astana huet sech dowéinst ganz vum Tour zeréckgezunn. De 25. Juli koum dunn eraus datt de Cristian Moreni op der 11. Etapp Testosterondoping bedriwwen hat, seng Ekipp Cofidis zitt sech vum Tour zeréck. Den Owend vum selwechten Dag huet d'Ekipp Rabobank de Michael Rasmussen, dee bis dohin am Maillot jaune gefuer ass, entlooss, well en net nëmmen zweemol seng Trainingsopenthalter net uginn hat, mä anscheinend och eng Kéier e falschen Uert deklaréiert hat.

Etappen[änneren | Quelltext änneren]

(D'Biergetappe si schif geschriwwen)

Etapp Datum Stied km Gewënner vun der Etapp Generalklassement
Prolog 7. Juli London - London 7,9 CLM Fabian Cancellara
CHECHE Schwäiz
Fabian Cancellara
CHECHE Schwäiz
1 8. Juli London - Canterbury 203 Robbie McEwen
Australien
Fabian Cancellara
CHECHE Schwäiz
2 9. Juli Dunkerque - Gent 168,5 Gert Steegmans
Belsch
Fabian Cancellara
CHECHE Schwäiz
3 10. Juli Waregem - Compiègne 236,5 Fabian Cancellara
CHECHE Schwäiz
Fabian Cancellara
CHECHE Schwäiz
4 11. Juli Villers-Cotterêts - Joigny 193 Thor Hushovd
Norwegen
Fabian Cancellara
CHECHE Schwäiz
5 12. Juli Chablis - Autun 182,5 Filippo Pozzato
Italien
Fabian Cancellara
CHECHE Schwäiz
6 13. Juli Semur-en-Auxois - Bourg-en-Bresse 199,5 Tom Boonen
Belsch
Fabian Cancellara
CHECHE Schwäiz
7 14. Juli Bourg-en-Bresse - Le Grand-Bornand 197,5 Linus Gerdemann
Däitschland
Linus Gerdemann
Däitschland
8 15. Juli Le Grand-Bornand - Tignes 165 Michael Rasmussen
Dänemark
Michael Rasmussen
Dänemark
9 17. Juli Val d'Isère - Briançon 159,5 Mauricio Soler
Kolumbien
Michael Rasmussen
Dänemark
10 18. Juli Tallard - Marseille 229,5 Cédric Vasseur
Frankräich
Michael Rasmussen
Dänemark
11 19. Juli Marseille - Montpellier 182,5 Robert Hunter
Südafrika
Michael Rasmussen
Dänemark
12 20. Juli Montpellier - Castres 178,5 Tom Boonen
Belsch
Michael Rasmussen
Dänemark
13 21. Juli Albi - Albi 54 CLM Cadel Evans
Australien
Michael Rasmussen
Dänemark
14 22. Juli Mazamet - Plateau de Beille 197 Alberto Contador
Spuenien
Michael Rasmussen
Dänemark
15 23. Juli Foix - Loudenvielle-Le Louron 196 Kim Kirchen
Lëtzebuerg
Michael Rasmussen
Dänemark
16 25. Juli Orthez - Gourette-Col d'Aubisque 218 Michael Rasmussen
Dänemark
Michael Rasmussen
Dänemark
17 26. Juli Pau - Castelsarrasin 188 Daniele Bennati
Italien
Alberto Contador
Spuenien
18 27. Juli Cahors - Angoulême 210 Sandy Casar
Frankräich
Alberto Contador
Spuenien
19 28. Juli Cognac - Angoulême 55 CLM Levi Leipheimer  USA Alberto Contador
Spuenien
20 29. Juli Marcoussis - Paräis Champs-Élysées 130 Daniele Bennati Italien Alberto Contador
Spuenien


Tour de France
1903 | 04 | 05 | 06 | 07 | 08 | 09 | 10 | 11 | 12 | 13 | 14 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 2000 | 01 | 02 | 03 | 04 | 05 | 06 | 07 | 08 | 09 | 10 | 11 |12 | 13 | 14 | 15 | 16 | 17 | 18 | 19 | 20 | 21 | 22 | 23| 24
UCI ProTour 2007
Paris-Nice | Milano-Sanremo | Tour Down Under | Tour des Flandres | Vuelta Ciclista al País Vasco | Gent-Wevelgen | Amstel Gold Race | Tour de Romandie | Volta Ciclista a Catalunya | Dauphiné libéré | Tour de Suisse | Clásica Ciclista San Sebastián | Tour de France | Tour de Pologne | Vattenfall Cyclassics | Eneco Tour | Grand Prix Ouest-France

Um Spaweck[änneren | Quelltext änneren]

Commons: Tour de France 2007 – Biller, Videoen oder Audiodateien