Treasure Chest at the End of the Rainbow

Treasure Chest at the End of the Rainbow
Treasure Chest at the End of the Rainbow
Museksgenre	Indie-Rock, Math-Rock, Emorock
Land	Lëtzebuerg
Grënnung	2004
Trennung	2006
Websäit	MySpace, Facebook
Memberen	Claudio "Pi" Pianini (Gittar, Gesank); Paul "Brit" Bradshaw (Gittar, Gesan, Bass); Max Nilles (Batterie, Gesank); Sacha Schmitz (Bass, Gesank)

Treasure Chest at the End of the Rainbow (kuerz TCATEOTR) war eng lëtzebuergesch Rockband.

Bandgeschicht[änneren | Quelltext änneren]

D'Grupp, där hiren Numm op Lëtzebuergesch mat "Schatzkëscht um Enn vum Reebou" iwwersat gëtt, gouf am Mee 2004 zu Esch-Uelzecht gegrënnt.^[1]^,^[2] De Claudio Pianini, de Paul Bradshaw an de Max Nilles ware schonn an der Grupp Actarus aktiv, déi sech 2004 opgeléist huet an aus där TCATEOTR a Mutiny on the Bounty ervirkomm sinn. 2005 hunn déi zwou Gruppen e Split opgeholl, deen a Kanada an den USA um Label New Romance for Kids Records an a Skandinavien bei Guided by Format verëffentlecht gouf. Am Rescht vun Europa ware si selwer fir d'Distributioun responsabel. Duerno si si zwou Wochen op Tournée duerch Kanada gaangen.^[3]

2006 huet sech d'Band getrennt. D'Membere hunn a Mutiny on the Bounty a Miaow Miaow weider Musek gemaach. 2010 hunn de Claudio Pianini, de Paul Bradshaw an de Max Nilles d'Grupp Mount Stealth gegrënnt.