Trias

N	spéider	spéider
Ä E R D M Ë T T E L A L T E R	Period Kräid	Iewescht
		Ënnescht
	Period Jura	Malm
		Dogger
		Lias
	Period Trias	Iewescht
		Mëttels
		Ënnescht
N	éischter	éischter

D'Period vun der Trias ass déi eelste Period aus dem Äerdmëttelalter. Si huet virun ongeféier 251 Millioune Joer ugefaangen a bis virun 200 Millioune Joer gedauert.

Si steet am Zäitalter nom Perm aus dem Äerdaltertum a virum Jura a gëtt an dräi Epochen agedeelt: déi Iewescht, déi Mëttels an déi Ënnescht, déi hirerseits och erëm ënnerdeelt sinn.

Iewescht Trias
Rhaetian	(virun ongeféier 200 - 199,6 Millioune Joer)
Norian	(virun ongeféier 216,5 - 205 Millioune Joer)
Carnian	(virun ongeféier 228 - 216,5 Millioune Joer)
Mëttelst Trias
Ladinian	(virun ongeféier 237 - 228 Millioune Joer)
Anisian	(virun ongeféier 245 - 237 Millioune Joer)
Ënnescht Trias
Olenekian	(virun ongeféier 249,7 - 245 Millioune Joer)
Induan	(virun ongeféier 251 - 249,7 Millioune Joer)

Fauna a Flora

D'Mieressaurier hunn ugefaange sech z'entwéckelen an d'Ozeaner z'erueweren.

Gingko a Nolbeem hu sech ausgebreet an d'Dinosaurier sinn opgetrueden. Déi zwou gréissten Dino-Gruppe waren d'Echsebeckendinosauerier an d'Vullebeckedinosaurier.

D'Flugsaurier sinn entstanen. Dës konnten aus eegener Kraaft fléien. Aus den echsenähnleche Reptilien hu sech d'Virfahre vun de Mamendéieren entwéckelt.

Dat véiert grousst Massestierwen huet vill Arten ausstierwe gelooss.

Wichteg Déieren a Planzen aus där Zäit

• Fëschsaurier (Mixosaurus)
• Miersaurier (Nothosaurus)
• Urfräsch
• Plateosaurus
• Haifësch
• Nolebam (Voltzia)

Steng aus der Trias zu Lëtzebuerg

• Ënnescht Trias (fréier Buntsandstein): Buntsandsteen an der Géigend ëm Ettelbréck a Feelen.
• Mëttelst Trias (fréier Muschelkalk): Muschelkallek an der Muselgéigend.
• Iewescht Trias (fréier Keuper): Lehm a Mergel am Uelzechtdall vu Walfer un, der Atert, der Sir an den Dräieck Iechternach, Schengen, Konter.

Kuckt och

• Geologesch Zäitskala

Commons: Triassic – Biller, Videoen oder Audiodateien