Tsutomu Seki

Vu Wikipedia
Wiesselen op: Navigatioun, sichen

Den Tsutomu Seki (関勉 Seki Tsutomu), gebuer den 3. November 1930 zu Kōchi, ass e japaneschen Amateurastronom. Hien ass Leeder vum Geisei-Observatoire zu Kōchi, a Member bei der Koméitesektioun vun der Oriental Astronomical Association.

De Seki ass eigentlech en ausgebilte Concertgittarist, huet sech awer am Laf vun der Zäit ëmmer méi der Astronomie zougewandt, mat der Spezialitéit Koméitesich. Bis elo huet hie 34 nei Koméiten entdeckt, dorënner 1965 de ganz hellen Koméit Ikeya-Seki, dee souguer am Dag nieft der Sonn konnt gesi ginn.

Doriwwer eraus huet hien 218 Asteroiden entdeckt, vun deenen hien der vill no Uertschaften a touristesche Plazen aus senger Géigend benannt huet, wéi (2396) Kochi, (2571) Geisei oder (2582) Harimaya-Bashi.

Um Spaweck[änneren | Quelltext änneren]