Tuerm (Schach)

Vu Wikipedia
Wiesselen op: Navigatioun, sichen
Chess.svg Dëse Schachartikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.
Chess piece - White rook.JPG Chess piece - Black rook.JPG
Schachfiguren
Chess king icon.png Kinnek
Chess queen icon.png Damm
Chess rook icon.png Tuerm
Chess bishop icon.png Leefer
Chess knight icon.png Sprénger
Chess pawn icon.png Bauer

Den Tuerm, Unicode: ♖ ♜, ass déi zweetstäerkste Figur beim Schachspill. Zesumme mat der Damm gehéiert en zu de Schwéierfiguren. Et ënnerscheet een an der Grondstellung an an der Erëffnung tëscht Dammentuerm a Kinnekstuerm. Den Dammentuerm ass um Dammefligel postéiert; de wäisse steet um Feld a1 an de schwaarzen op a8. De Kinnekstuerm ass um Kinneksfligel postéiert; de wäisse steet um Feld h1 an de schwaarzen op h8.

Den Tuerm an deenen dräi Spillphasen[änneren | Quelltext änneren]

An der Erëffnung[änneren | Quelltext änneren]

An der Erëffnung spillt den Tuerm keng wichteg Roll sou laang wéi seng Bewegungsméiglegkeeten duerch d'Baueren ageschränkt sinn. Säin Asaz fänkt meeschtens mat der Rochade un, déi den Tuerm méi a Richtung Zentrum bréngt, oder bei heterogene (entgéigegesaten) Rochaden, andeems duerch d'Zéie vun de Randbaueren (zum Beispill h2-h4 oder h7-h5 no der kuerzer Rochade vum Géigner) probéiert gëtt, d'Ausgangslinn vum Tuerm opzemaachen, fir sou ee Kinneksugrëff z'ënnerstëtzen.

Am Mëttelspill[änneren | Quelltext änneren]

Den Tuerm ass eng typesch Mëttelspill- an Endspillfigur. Wat manner Figuren um Briet sinn, wat den Tuerm seng Reechwäit besser notze kann. Déi gréisst Wierkung entwéckelt den Tuerm op enger oppener oder hallefoppener Linn.

Am Endspill[änneren | Quelltext änneren]

D'Mattsetze mat Tuerm a Kinnek géint Kinnek gehéiert zur elementarer Mattféierung. Endspiller mat Tierm a Baueren nennt een Tuermendspiller, a stellen ongeféier d'Hallschent vun den Endspiller duer.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Tuerm – Biller, Videoen oder Audiodateien