Um Staminet
(Virugeleet vu(n) Um Stamminet)
Um Staminet war eng populär Emissioun op RTL Radio Lëtzebuerg, déi vun 1965 bis 2000[1] sonndes am fréien Owend iwwerdroe gouf. Si war gewéinlech eng 5 bis 10 Minutte laang an huet aus engem satiresch-ironesche Réckbléck op d'Aktualitéit vun der viregter Woch bestanen. D'Emissioun gouf als Gespréich tëscht der „Tatta Sidonie“ dem „Michel“ an dem Kolleeg „Meyer" presentéiert.[2]
De lëtzebuergeschen Auteur Pir Kremer (1919-2000) an de Chronist Léon Blasen (Kolleeg „Meyer") hu Joerzéngte laang als fräi Mataarbechter Um Staminet geschriwwen an dra matgespillt. Aner Speakerinne waren d'Emilie Cao, d'Tilly Jung[3] an d'Micky Erpelding.
Anekdoten[änneren | Quelltext änneren]
- D'Emissioun war därmoosse populär, datt esouguer d'Schwësteren aus der Zitha-Klinick den Ufank vun hirer Sonndesmass verluecht hunn, fir de Staminet lauschteren ze kënnen[3].
- Well den deemolege Premierminister Gaston Thorn an enger Emissioun als Gaston Petit-Thorn[4] an engem groussen Auto ernimmt gouf, huet hie sech duerno beim Direkter vu Radio Lëtzebuerg, dem Mathias Felten beschwéiert[5].
Audio[änneren | Quelltext änneren]
- Kremer, P., & Calmes, Christian. (2000). CD: Emissioun : Haut viru 40 Joer ; Emissioun : Um Staminet. Dudelange: Centre national de l'audiovisuel.
Kuckt och[änneren | Quelltext änneren]
Referenzen an Notten[Quelltext änneren]
- ↑ RTL Kultur News, 100 Joer Pir Kremer
- ↑ Der Mann mit dem rollenden „R“. Journal Lëtzebuerger. Gekuckt de(n) 2020-08-17.
- ↑ 3,0 3,1 Femmes pionnières du Luxembourg. (2017). Pionéierfraen am Journalismus zu Lëtzebuerg : Exposition. S.l.: Femmes pionnières du Luxembourg. ISBN 978-99959-0-312-1, op a-z.lu
- ↑ Cacographie vum Numm vum Gaston Thorn senger Fra, der Liliane Thorn-Petit
- ↑ Pionéierfraen am Journalismus (Säit 19)