Urbanismus

Vu Wikipedia
Wiesselen op: Navigatioun, sichen
Stub W.svg Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.

Den Urbanismus am antike Sënn vum Wuert, bekëmmert sech ëm d'Urbanisatioun an d'Organsitioun vun de Stied, an den Territoiren déi hinne gehéieren. Déi Leit déi sech domat ofginn, sinn d'Urbanisten.

Den Urbanismus steet vun der wëssenschaftlecher Säit hier, an enker Verbingung mat der Architektur, der Geographie, der Geologie an der Hydrographie, an e muss bei sengen Aktiounen, probéieren d'Zesummespill vun deene verschiddene Fakteuren sou gutt wéi méiglech ënner een Hutt ze kréien. Et ass deemno en Deel vun den Humanwëssenschaften.

Vun engem technesche Standpunkt aus gesinn ass den Urbanismus eng Deeldisziplin vun der Raumplanung a beschäftegt sech grad wéi déi mat der Analyse vun der Stad an, an engem zweete Schrëtt, mat der Elaboratioun vu Planungskonzepter, woubäi ee stänneg ofweie muss tëscht alle relevanten Interessen, d. h. virun allem tëscht den Demanden an de Contraintë vun enger Welt, déi enger konstanter demographescher Croissance an enger staarker Pressioun vun der Zivilisatioun ënnerworf ass. Den Urbanismus déngt an éischter Linn der Steierung vun der Buedemnotzung fir all Stad- oder Gemengegebidder oder fir eenzel Deelberäicher dovun, wéi z. B. Logementer oder Transportinfrastrukturen. Déi mat dem Urbanismus beschäftegt Fachleit schaffe meeschtens an der ëffentlecher Verwaltung.

Aufgab vum Urbanismus ass d'Erreeche vun enger nohalteger urbaner Entwécklung vun de Stied a Gemengen, wéi och vun deenen hiren Deelgebidder. Dobäi sinn déi sozial, wirtschaftlech an ëmweltschutzbezunnen Ufuerderunge matenaner an Aklang ze bréngen. Et muss ee fir eng sozialgerecht Buedemnotzung suergen, déi dem Wuel vun der Allgemengheet déngt. Den Urbanismus soll dozou bäidroen, eng mënschewierdeg Ëmwelt ze sécheren an déi natierlech Liewensgrondlagen ze schützen an z'entwéckelen, och am Hibléck zu enger responsabler Fërderung vum allgemenge Klimaschutz. Doriwwer eraus soll déi urban Gestalt an d'Uertschafts- a Landschaftsbild baukulturell erhalen an entwéckelt ginn.

Commons: Urbanism – Biller, Videoen oder Audiodateien