Vëlospist

Vu Wikipedia
Wiesselen op: Navigatioun, sichen
Stub W.svg Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.
Eng Vëlospist an der Belsch
D'Vëlospist op der fréierer SNCB-Linn 164 zu Benonchamps

Eng Vëlospist ass en Deel vun der ëffentlecher Verkéiersfläch, dee fir de Vëlosverkéier reservéiert ass. An Europa gëtt se duerch e blot ronnt Schëld mat engem wäisse Velo drop ugewisen, da mussen d'Vëloen do drop fueren. Ass d'Schëld véiereckeg, kënnen se drop fueren, mä mussen net.

Vëlospiste kënnen op verschidde Manéieren ugeluecht sinn, z. B. laanscht eng Strooss vun där se just duerch eng Buedemmarkéierung getrennt sinn (duebelen oder breeden duerchgezunnene Stréch), oder sekuriséiert doduerch, datt tëscht der Piste an der Strooss eng Sträif Grénges ass, sief et Wues oder Hecken, oder soss en Hënnernes wéi e Gruef, Leitplank oder e Gelänner. Sou Piste sinn normalerweis op den zwou Säite vun der Strooss a ginn an der Direktioun vum Verkéier befuer. Dacks si se um Buedem duerch eng aner Zort vu Belag markéiert, oder de Belag huet eng aner Faarf. Sou Piste fënnt e besonnesch a Stadgebidder.

Iwwerlandpiste kënnen op Weeër ugeluecht sinn déi soss nach just vum landwirtschaftleche Verkéier kënne benotzt ginn, oder et kënne Weeër sinn, déi nëmme fir Vëloen oder och alt fir Vëloen a Foussgänger reservéiert sinn.

Touristesch Vëlospiste ginn hautdesdaags dacks op desaffektéierten Eisebunnsstrecken, oder op Läinpied laanscht Kanäl ugeluecht.

Déi éischt Vëlospist, déi an deem Sënn zu Lëtzebuerg ugeluecht gouf, war den Deel vu Reisduerf op Iechternach vun der PC3 der sougenannter Piste cyclable des trois rivières, dei ëm 1975 op Initiativ vum Touristeministär op der fréierer Sauertstreck amenagéiert gouf. 2011 gëtt et 23 touristesch Vëlospisten am Land.

Bekannt Vëlospisten an der Belsch sinn d'Piste vum RAVeL a vum PréRAVel, déi fir de Moment awer nach kee feste Belag hunn, a just mat zolittem Geschir wéi VTTsvëloe kënne befuer ginn.

Am lëtzebuergesche Code de la route weist d'Schëld D, 4 datt een d'Vëlospist muss gebrauchen, an och datt deen Deel vum ëffentleche Verkéiersnetz just fir Vëloe reservéiert ass. D'Schëld D, 4a weist datt déi obligatoresch Pist eriwwer ass. D'Schëlter D, 5a an D, 5b weisen datt se zesumme mat Foussgänger benotzt muss ginn, an d'Schëlter D, 5aa an D, 5ba weisen d'Enn vun sou enger Streck un.

Um Spaweck[änneren | Quelltext änneren]

Commons: Vëlospist – Biller, Videoen oder Audiodateien