Veianer Sessellift

Vu Wikipedia
Wiesselen op: Navigatioun, sichen
Veiner Sëtzlift Buedemstatioun mat Dreifrad

De Veianer Sessellift am Ourdall zu Veianen gouf den 2. Juli 1955 ageweit, an ass deen eenzege Sessellift op Héichmasten am Grand-Duché. E gëtt vun der Veianer Gemeng bedriwwen.

D'Streck vun der Dallstatioun bis op d'Biergstatioun ass ronn 458 Meter laang.

Vun 220 m iNN féiert de Lift mat sengen 42 duebele Sëtzer iwwer d' Our an d'Strooss Veianen - Biwels op 360 Meter Héicht bei e Belvedère, deen op enger Fielsnues läit, wou de Millebierg an de Romebierg zesummekommen.

Vun do huet een e Panoramabléck op Veianen, d'Buerg an d'Staumauer.

Jee no Wieder transportéiert de Sessellift, 70.000 bis 80.000 Leit am Joer.

Am Joer 2006 gouf de Sessellift vun der Firma Bartholet Metallbau AG vu Flums an der Schwäiz komplett renovéiert, an et goufen dobäi 1.060 Meter nei Droseeler agezunn.

Technesch Donnéeën[änneren | Quelltext änneren]

E "Sessel"
  • Fest installéiert 2er-Sesselbunn (Sf2), no europäeschen Normen gebauten, an CE-zertifizéiert Touristenanlag
  • Gedriff: Motorhaus am Dall, Ënnerfluranlag
  • Spansystem: mechanesch
  • Horizontal Längt: 429,6 Meter
  • Schréi Längt: 458,89 Meter
  • Héichtenënnerscheed: 161,31 Meter
  • Vitesse: 1,5 Meter an der Sekonn (5,4 km/h)
  • Transportleeschtung an der Stonn: 460 Persounen
  • Sëtzer: 42 Duebelsëtzer
  • Fuerzäit: Fënnef an eng hallef Minutten
  • Certificat: CE-Certificat no Directive 2000/9/EG


Seeler[änneren | Quelltext änneren]

D'Seeler goufe vun der Firma Teufelberger vu Wels (Éisträich) fabrizéiert. Se hunn en Duerchmiesser vun 30 mm, a sinn an der Konstruktioun 6x19 Seale. Sou Seeler hunn eng Mindestbrochkraaft vun 59.400 Kilo.

Um Spaweck[änneren | Quelltext änneren]

Commons: Veianer Sessellift – Biller, Videoen oder Audiodateien