Wale fir d'Europäescht Parlament 2009

Vu Wikipedia
Wiesselen op: Navigatioun, sichen

D'Wale fir d'Europäescht Parlament 2009 waren déi 7. Direktwal fir d'Europäescht Parlament. Se goufen tëscht dem dem 4. und 7. Juni 2009 ofgehalen. Et war dës déi éischt Kéier, wou all 27 Memberstaate vun der Europäescher Unioun, no hirer leschter Erweiderung 2007, matgemaach hunn. D'chrëstdemokratesch-konservativ Europäesch Vollekspartei (EVP) konnt sech dobäi als déi stäerkst Franktioun behaapten, iwwerdeems d'Sozialdemokratesch Partei vun Europa (SPE) däitlech Verloschter huet missen astiechen. Déi Europäesch Gréng Partei (EGP) war déi Partei mat de meeschte Gewënner u Sëtzer. A verschiddene Länner hunn och rietsextrem an europaskeptesch Parteie vill Stëmme krut.

Waltermin, Walmodus a Sëtzzuel[änneren | Quelltext änneren]

D'Europawal gouf getrennt, no de jeeweils nationalstaatleche Walgesetzer ofgehalen. Dofir hunn déi national Parteie Lëschten opgesat; déi gewielten Deputéiert hu sech dann jee no politescher Orientéierung enger europäescher Parteigruppéierung ugeschloss. Bis ewell gëtt et sou gutt wéi keng Parteien[1], déi länneriwwergräifend oder souguer europawäit Lëschten opsetze géifen.

All Memberstaat huet eng bestëmmt Zuel vu Sëtzer zegutt. Lëtzebuerg zum Beispill huet der sechs. Walberechtegt (aktiv a passiv) sinn nieft de Staatsbierger vum jeeweilegen EU-Land och all EU-Bierger, déi zanter enger bestëmmter Zäit do liewen (a sech op d'Wielerlëschten agedroen hunn, woubäi se da mussen deklaréieren, net och am Land, vun deem se d'Nationalitéit hunn, ze wielen).

Gewielt gouf a Groussbritannien an an Holland schonn donneschdes, de 4. Juni, an Irland de 5. Juni, an Tschechien de 5. a 6. Juni, an der Slowakei, Zypern, Lettland a Malta de 6. Juni, an an Italien de 6. und 7. Juni. An all deen anere Länner waren d'Wale sonndes, de 7. Juli; zu Lëtzebuerg war dat zesumme mat de Wale fir d'Chamber.

  Méi Informatioun doriwwer am Artikel: Wale fir d'Europäescht Parlament 2009 (Lëtzebuerg) Nuvola apps xmag.png

An alle Länner gouf nom Proporzwalrecht gewielt; jee no Land konnt een nëmmen 1 Stëmm pro Lëscht ginn (z. B. an Däitschland), méi Stëmmen (Irland, Luxemburg) an/oder d'Reiefolleg op der Lëscht änneren (Éisträich). A Groussbritannien, Frankräich, Irland, Italien, der Belsch an a Polen gouf et e puer Walbezierker, an deenen anere Länner (wourënner Lëtzebuerg) just een eenzegen.

Duerch den Traité vu Lissabon gouf d'Zuel vun den Deputéierten op 751 festgeluegt. A verschiddene Länner gouf et Ännerunge par Rapport zu virdrun; dofir waren Iwwerganksléisunge virgesi ginn.

Walresultater[änneren | Quelltext änneren]

     EVP (265)
     S&D (184)
     ALDE (84)
     Gréng/EFA (55)
     ECR (54)
     EUL-NGL (35)
     EFD (32)
     ouni Fraktioun (27)

D'Walbedeelegung louch an der Moyenne bei 43 %, liicht ënner der viregter vun 2004 (45,5 %). Ausser an der Belsch an zu Lëtzebuerg, wou Walflicht besteet, an d'Beddelegung ëm déi 90 % louch, war se op Malta (78,8 %) an an Italien (65,1 %) besonnesch héich. Besonnesch niddreg war se a Litauen (21,0 %) an an der Slowakei (19,6 %).

An de Wochen duerno hu sech déi eenzel national Parteien den Europäesche Fraktiouen ugeschloss.

Bei senger konstitutiver Assemblée, de 14. Juli 2009, huet dat nei gewielte Parlament sech sou zesummegesat:

Fraktioun
Land
EVP S&D ALDE ECR Gréng/EFA GUE-NGL EFD ouni Fraktioun zesummen Bedeelegung
EU 265 184 84 55 55 35 32 26 736 43,0 %
Flag of Belgium (civil).svg Belsch 3 (CD&V)
1 (CDH)
1 (CSP)
3 (PS)
2 (SP.A)
3 (Open VLD)
2 (MR)
1 (LDD) 1 (Groen!)
2 (Ecolo)
1 (N-VA)
2 (VB) 22 90,4 %
Flag of Bulgaria.svg Bulgarien 5 (GERB)
1 (SDS)
4 (BSP) 3 (DPS)
2 (NDSV)
2 (Ataka) 17 39,0 %
Flag of Denmark.svg Dänemark 1 (C) 4 (A) 3 (V) 2 (F) 1 (N) 2 (O) 13 59,5 %
Flag of Germany.svg Däitschland 34 (CDU)
8 (CSU)
23 (SPD) 12 (FDP) 14 (Grüne) 8 (Linke) 99 43,3 %
Flag of Estonia.svg Estland 1 (IRL) 1 (SDE) 1 (RE)
2 (KE)
1 (onofh.) 6 43,9 %
Flag of Finland.svg Finnland 3 (Kok.)
1 (KD)
2 (SDP) 3 (Kesk.)
1 (SFP)
2 (Vihr.) 1 (PS) 13 40,3 %
Flag of France.svg Frankräich 24 (UMP)
3 (NC)
2 (LGM)
14 (PS) 6 (MoDem) 14 (EE) 4 (FG)
1 (PCR)
1 (Libertas) 3 (FN) 72 40,7 %
Flag of Greece.svg Griicheland 8 (ND) 8 (PASOK) 1 (Gréng) 2 (KKE)

1 (SYRIZA)

2 (LAOS) 22 52,6 %
Flag of Ireland.svg Irland 4 (FG) 3 (Lab) 3 (FF)
1 (unabh.)
1 (SP) 12 57,6 %
Flag of Italy.svg Italien 29 (PdL)
5 (UdC)
1 (SVP)
21 (PD) 7 (IdV) 9 (LN) 72 65,1 %
Flag of Latvia.svg Lettland 1 (JL)
2 (PS)
1 (SC) 1 (LPP/LC) 1 (TB) 1 (PCTVL) 1 (SC) 8 53,7 %
Flag of Lithuania.svg Litauen 4 (TS-LKD) 3 (LSDP) 1 (DP)
1 (LRLS)
1 (LLRA) 2 (TT) 12 21,0 %
Flag of Luxembourg.svg Lëtzebuerg 3 (CSV) 1 (LSAP) 1 (DP) 1 (Déi Gréng) 6 90,8 %
Flag of Malta.svg Malta 2 (PN) 3 (PL-MLP) 5 78,8 %
Flag of the Netherlands.svg Holland 5 (CDA) 3 (PvdA) 3 (VVD)
3 (D66)
1 (CU) 3 (GL) 2 (SP) 1 (SGP) 4 (PVV) 25 36,8 %
Flag of Austria.svg Éisträich 6 (ÖVP) 4 (SPÖ) 2 (Grüne) 3 (Martin)
2 (FPÖ)
17 46,0 %
Flag of Poland.svg Polen 25 (PO)
3 (PSL)
7 (SLD-UP) 15 (PiS) 50 24,5 %
Flag of Portugal.svg Portugal 8 (PSD)
2 (CDS-PP)
7 (PS) 2 (CDU)
3 (BE)
22 36,8 %
Flag of Romania.svg Rumänien 10 (PD-L)
3 (UDMR)
1 (onofh.)
11 (PSD-PC) 5 (PNL) 3 (PRM) 33 27,7 %
Flag of Sweden.svg Schweden 4 (M)
1 (KD)
5 (SAP) 3 (FP)
1 (C)
2 (MP)
1 (PP)
1 (V) 18 45,5 %
Flag of Slovakia.svg Slowakei 2 (SDKÚ-DS)
2 (KDH)
2 (SMK)
5 (Smer-SD) 1 (LS-HZDS) 1 (SNS) 13 19,6 %
Flag of Slovenia.svg Slowenien 2 (SDS)
1 (N.Si)
2 (SD) 1 (LDS)
1 (Zares)
7 28,3 %
Flag of Spain.svg Spuenien 23 (PP) 19 (PSOE)
2 (PSC)
1 (CDC)
1 (PNV)
1 (ERC)
1 (ICV)
1 (IU) 1 (UPyD) 50 46,0 %
Flag of the Czech Republic.svg Tschechesch Republik 2 (KDU–ČSL) 7 (ČSSD) 9 (ODS) 4 (KSČM) 22 28,2 %
Flag of Hungary.svg Ungarn 14 (Fidesz) 4 (MSZP) 1 (MDF) 3 (Jobbik) 22 36,3 %
Flag of the United Kingdom.svg Groussbritannien 13 (Lab) 11 (LD) 25 (Con)
1 (UUP)
2 (Greens)
2 (SNP)
1 (PC)
1 (SF) 13 (UKIP) 2 (BNP)
1 (DUP)
72 34,7 %
Flag of Cyprus.svg Zypern 2 (DISY) 1 (EDEK)
1 (DIKO)
2 (AKEL) 6 59,4 %
Fraktioun EVP S&D ALDE ECR Gréng/EFA GUE-NGL EFD ouni Fraktioun am Ganzen Bedeelegung

Nom Akraaft-Triede vum Traité vu Lissabon, den 1. Dezember 2009, huet d'Fraktioun vun der EVP aacht Sëtzer bäikrut, d'S&D fënnef, déi Gréng/EFA zwee, d'ECR een, an nach zwee zousätlech Deputéiertt ouni Fraktioun.

Kuckt och[änneren | Quelltext änneren]

Um Spaweck[änneren | Quelltext änneren]

Referenzen an Notten[änneren | Quelltext änneren]

  1. eng éischt Tentativ war déi ephemär europafeindlech Partei Libertas, déi an e puer Länner Lëschten opgesat hat.
Commons: European Parliament Election 2009 – Biller, Videoen oder Audiodateien