Wanderwee
Vu Wikipedia, der fräier Enzyklopedie.
E Wanderwee ass e Wee, dee vun engem Wanderer fir d'Wanderen benotzt gëtt, enger Form vu Reesen, enger Natursportaart oder enger Fräizäitaktivitéit, déi ee gewéinlech ze Fouss an der Natur mécht. Eng speziell Form vum Wanderwee ass de Pilgerwee.
Fir sech um Terrain erëmzefanne sinn dës Weeër a regelméissegen Ofstänn mat Symboler op Schëltercher oder op Beem markéiert.
Wanderweeër si gewéinlech op Wanderkaarten agedroen. Um Internet kritt ee mëttlerweil de Verlaf vu Wanderweeër a Form vu sougenannten Tracks fir e GPS-Apparat.
