Weltzäit
D'Weltzäit, och Äerdzäit[1][2] genannt, ass en Zäit-System, dat opgrond internationaler Eenegunge eng weltwäit gläich Zäitangab hierstellt, am Géigesaz zu der Zonenzäit, déi nëmmen bannen enger regional begrenzter Zäitzon gülteg ass.
Weider Detailer [änneren]
Fréier war et normal, déi lokal Sonnenzäit ze gebrauchen, ufanks déi Uertszäit déi vun enger onkorrigéierter Sonnenauer gemooss gouf an net ganz gläichméisseg ofgelaf ass. Spéider, wéi mechanesch Auere gebraucht goufen, war et déi gläichméisseg verlafend mëttel Uertszäit. Nom Opkomme vun der Eisebunn an der Telegraphie gouf eng Reduktioun vun de villen Uertszäiten op e puer gebittsweis unerkannten Zäitangaben néideg. Et koum zu der Schafung vun Zäitzonen, deenen hir Ofwäichung vun der - Uertszäit - maximal un den ëstlechen a westlechen Zoneränder - akzeptabel gehale gouf. Där géigesäiteger Koordinatioun läit eng Weltzäit zugronn, vun där si an der Regel a ganze Stonnen ofwäichen.
Op der Washingtoner Meridiankonferenz 1884 gouf sech op de Meridian duerch Greenwich als Nullmeridian geenegt an op d'Greenwich Mean Time (GMT) als éischt allgemeng gëlteg Weltzäit. D'GMT ass déi duerch astronomesch Miessungen bestëmmt mëttel Uertszäit um Meridian deen duerch den Observatoire vu Greenwich féiert. 1928 gouf déi an Universal Time ëmgenannt. Zënter 1972 gebraucht een als Weltzäit, d'Koordinéiert Weltzäit (UTC) déi d'Atomaueren uginn.
Während haut also am deegleche Liewen déi jeeweileg gëlteg Zonenzäit gebraucht gëtt, huet d'Weltzäit am internationale Verkéier, zum Beispill Fluchverkéier oder am Internet, iwwerall déiselwecht Zäitskala.
| 1884–1924 | GMT |
| 1925–1928 | nei GMT |
| 1928–1971 | UT |
| zënter 1972 | UTC |
Um Spaweck [änneren]
- (en) timeanddate.com– Auerzäit, Koordinaten, Zäitzonen, internationaal Ofkierzungen a landesspezifesch Informatiounen
Referenzen [änneren]
- ↑ Et geet ëm Sekonnen – Artikel bei der TAZ, vum 25. Oktober 2003
- ↑ Messen: Zeit – Seite bei Beyenbach; Stand: 4. Oktober 2011
