Wesley Snipes

Vu Wikipedia
Wiesselen op: Navigatioun, sichen
Wesley Snipes

De Wesley Snipes, gebuer den 31. Juli 1962 zu Orlando a Florida, ass en US-amerikanesche Schauspiller. Hien ass wahrscheinlech am meeschte bekannt ginn duerch seng Roll als Vampirkiller an der Blade Filmtrilogie.

De Wesley Snipes ass am Süde vun der New Yorker Bronx, bei senger Mamm, opgewuess. An der High School of performing Arts, New York, huet hien Danz, Gesang a Schauspillerei geléiert. An der State University of New York huet hien nieft Economie och Theaterkonscht geléiert. An dëser Klass waren nëmme véier Afro-amerikaner.

An e puer Filmer hat hie kleng Niewerollen, huet bei verschiddene Bühnestécker um Broadway matgespillt, konnt awer sechs Joer net dovu liewen. Nodeem hien dem Malcolm X seng Biographie gelies huet, ass hien zum Islam gewiesselt.

Eréischt no enger Roll als Gang-leader am Michael Jackson sengem Musekvideo Bad, ass hien als Schauspiller opgefall a krut seng éischt grouss Filmroll am Film Major League. De Wesley Snipes leet sech net gär op ee Stil fest, an ass och zum Spike Lee sengem Liiblingsschauspiller ginn. De Wesley Snipes gehéiert haut zu deene bekanntste Schauspiller vun Hollywood, an huet och scho Regie a verschiddene Filmer geféiert.

1997 huet de Wesley Snipes de Präis Coppa Volpi als beschten Haaptduersteller am Film One Night Stand kritt. Am Joer 1998 huet hien e Stär um Walk of Fame krut. Am selwechte Joer huet hie säin Éierendoktorat vun der SUNY/Purchase Universitéit iwwerreecht kritt.

Iwwer säi Privatliewen ass relativ wéineg bekannt. Vun 1985 bis 1990 war hie bestuet. Hien huet och ee Kand.

Wéinst senger ganz kierperbetounter Schauspillerei zielt hien zu de wéinege bekannte schwaarzen Actionstaren.

Filmographie[änneren | Quelltext änneren]

Joer Engleschen Titel Däitschen Titel
1986 Wildcats American Wildcats
1986 Streets of Gold Streets of Gold
1989 Major League Die Indianer von Cleveland
1990 King of New York King of New York
1990 Mo' Better Blues Mo' Better Blues
1991 New Jack City New Jack City
1991 Jungle Fever Jungle Fever
1992 White Men Can't Jump Weiße Jungs bringen's nicht
1992 Waterdance Waterdance
1992 Passenger 57 Passagier 57
1993 Boiling Point Boiling Point
1993 Rising Sun Die Wiege der Sonne
1993 Demolition Man Demolition Man
1994 Sugar Hill Sugar Hill
1994 Drop Zone Drop Zone
1995 Money Train Money Train
1995 To Wong Foo, Thanks for Everything, Julie Newmar To Wong Foo
1996 The Fan The Fan
1997 Murder at 1600 Mord im weißen Haus
1997 One Night Stand One Night Stand
1998 U.S. Marshals Auf der Jagd
1998 Down in the Delta -
1998 Blade Blade
2000 The Art of War The Art of War
2002 Liberty Stands Still Liberty Stands Still - Im Visier des Mörders
2002 Blade II Blade II
2002 Undisputed Undisputed - Sieg ohne Ruhm
2004 Unstoppable -
2004 Blade: Trinity Blade - Trinity
Commons: Wesley Snipes – Biller, Videoen oder Audiodateien