Wim Duisenberg

Vu Wikipedia
Wiesselen op: Navigatioun, sichen
Wim Duisenberg

De Willem Frederik Duisenberg (* 09. Juli 1935 zu Heerenveen; † 31. Juli 2005 zu Faucon, Frankräich) war en hollänneschen Economist a vun 1998 bis 2003 President vun der Europäescher Zentralbank.

Hien huet zu Groningen Economie studéiert an iwwer d'Thema "Economesch Konsequenze vun der Ofrëschtung" promovéiert. Hie war vun 1973 bis 1977 hollännesche Finanzminister, duerno Vizepresident vun der Rabobank Nederland B.V. a vun 1982 bis 1994 President vun der hollännescher Zentralbank.

Den 2. Mee 1998 gouf e vum Europäesche Conseil zum 1. President vun der Europäescher Zentralbank designéiert an huet dëst Amt den 1. Juni 1998 ugetrueden. Den 1. November 2003 ass en, nodeeems den Euro mat Succès agefouert war, virum Oflaf vu sengem 8-järege Mandat zugonschte vum Jean-Claude Trichet zréckgetrueden. Seng Ënnerschrëft steet op allen Eurobilljeeën, déi bis 2003 gedréckt goufen.

De Wim Duisenberg ass an der Schwämm vu sengem Haus zu Faucon, (Vaucluse), dout opfonnt ginn. Hien hat en Häerzschlag kritt.

De Wim Duisenberg war bestuet an hat zwéi Jongen an eng Duechter aus engem éischte Bestietnes.

Commons: Wim Duisenberg – Biller, Videoen oder Audiodateien