Woluwe-Saint-Lambert - Sint-Lambrechts-Woluwe

Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.

Woluwe-Saint-Lambert Sint-Lambrechts-Woluwe
Land	Belsch
Regioun	Haaptstadregioun Bréissel
Communautéit	Franséisch Communautéit Flämesch Communautéit
Provënz
Arrondissement	Bruxelles-Capitale
Telefonszon	02
Postcode	1200
Koordinaten	50° 51' 00" N 04° 25' 00" O
Fläch	722 ha
Bevëlkerung	49 261 (1. Jan. 2008)

Lag vun der Gemeng an der Haaptstadregioun Bréissel

Woluwe-Saint-Lambert - Sint-Lambrechts-Woluwe ass eng vun den 19 zweesproochege belsche Gemengen an der Haaptstadregioun Bréissel. Se huet ronn 48.000 Awunner an zielt zu den éischter residentielle Gemengen an der Haaptstadregioun.

D'Gemeng grenzt am Süden u Woluwe-Saint-Pierre - Sint-Pieters-Woluwe, am Westen un Etterbeek, Schaerbeek - Schaarbeek an Evere, an am Norden an am Osten un d'Gemenge Zaventem a Kraainem, déi allebéid am Flämesche Brabant leien.

Den Numm vun der Gemeng geet zréck engersäits op hire Schutzpatréiner, de Lambert vu Maastricht, an anerersäits op d'Baach Woluwe, déi vu Süden no Norden derduerchleeft.

Kuckeswäertes

D'Kierch Saint Lambert/Sint Lambertus mat engem Tuerm aus dem 12. Jorhonnert; D'Schlass Hof van Brussel (16. Jh.) Hof ter Mussen, en ale Bauerenhaff mat enger Scheier vu 1741; Hof ten Berg, en fréier Dependenz vun der Abtei vu Forest; D'Walfaartskapell Lenneke Mare, gebaut ëm 1350; eng Wandmille vu 1767; D'Art deco-Stadhaus op der Tombergplaz, gebaut (1937-1939).

Politik

Am Gemengerot huet d'Lëscht vum Buergermeeschter (LB) d'absolut Majoritéit. Dës gëtt vum Olivier Maingain, dem Spëtzemann vum FDF, gefouert.

Um Spaweck

• Site vun der Gemengeverwaltung

Gemengen an der Haaptstadregioun Bréissel  

Franséisch Nimm: Anderlecht | Auderghem | Berchem-Sainte-Agathe | Bruxelles | Etterbeek | Evere | Forest | Ganshoren | Ixelles | Jette | Koekelberg | Molenbeek-Saint-Jean | Saint Gilles | Saint-Josse-ten-Noode | Schaerbeek | Uccle | Watermael-Boitsfort | Woluwe-Saint-Lambert | Woluwe-Saint-Pierre

Flämesch Nimm: Anderlecht | Brussel | Elsene | Etterbeek | Evere | Ganshoren | Jette | Koekelberg | Oudergem | Schaarbeek | Sint-Agatha-Berchem | Sint-Gillis | Sint-Jans-Molenbeek | Sint-Joost-ten-Node | Sint-Lambrechts-Woluwe | Sint-Pieters-Woluwe | Ukkel | Vorst | Watermaal-Bosvoorde |

Commons: Woluwe-Saint-Lambert – Biller, Videoen oder Audiodateien