Zeilespronkverfahren
Ënnert dem Zeilespronkverfahren (eng.: Interlaced-Modus) versteet een d'Method, fir beweegt Biller opzehuelen, z'iwwerdroen an unzeweisen. D'Zeilenspronkverfahre gëtt bei der Fernsehiwwerdroung benotzt.
[änneren] Aféierung
E beweegt Bild entsteet doduerch, datt mindestens 20 Biller séier hannerteneen ugewise ginn. Jiddwer Liichtreiz verursaacht Nowierkungen op der Netzhaut vu bis zu e puer Millisekonnen. Hei schwätzt ee vun der Späicherfunktioun vum A. Well awer bei 20 Biller pro Sekonn (B/s) e Flimmeren entsteet, schaffen europäesch Fernsehsender mat 25 Vollbiller pro Sekonn. Dobäi entsteet awer e Groussflächeflimmeren.
Jiddwer Bild vun de 25 Vollbiller gëtt dofir an zwee Hallefbiller mat hallwer Zeilenzuel opgedeelt:
- Zeilennummere vum éischten Hallefbild: 1, 3, 5, 6, 7...
- Zeilennummere vum zweeten Hallefbild: 2, 4, 6, 8...
D'Hallefbiller ginn dono awer nees vum A zu engem Vollbild zesummengesat. De Virdeel besteet doranner, datt bal kee Flimmeren duerch déi 50 Donkelphase méi entsteet an d'Bandbreed vun der Iwwerdroung sech net vergréissert.
[änneren] 100Herz-Technik
Bei der 100Herz-Technik gëtt d'Flimmere komplett ënnerdréckt. Jiddwer Hallefbild gëtt als éischt digitaliséiert an an e séire Späicher geschriwwen. Dono gëtt déi gespäichert Informatioun nees an analoger Form a mat duebeler Vitesse op de Bildschierm geschriwwen. Sou kritt een 100 Donkelphase pro Sekonn. Elo huet ee schonn 100 Hallefbiller pro Sekonn.
