Zisterzienser

Vu Wikipedia
Wiesselen op: Navigatioun, sichen
Stub W.svg Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.
Wope vun den Zisterzienser

D'Zisterzienser bilden en Uerde vun der réimesch-kathoulescher Kierch, mam offiziellen Numm Ordo Cisterciensis (ofgekierzt OCist). Et gëtt souwuel e männlechen (reliéis Bridder a Pateren) wéi e weiblechen Zweig (Nonnen).

Dësen Uerde geet op de Robert vu Molesmes zréck den 1098 eng Benediktinergemeinschaft zu Cîteaux gegrënnt huet mam Zil ërem streng dem Benedikt vun Nursia senger Regel vun 450 ze follegen, wat de Moment bei de Benediktiner net méi de Fall war. An dës Gemeinschaft vu Cîteaux ass och de Bernhard von Clairvaux agetrueden, den 1115 d'Klouschter vu Clairvaux gegrënnt huet vun deem aus d'Zisterzienser sech a ganz Europa verbreet hunn.

D'Membere vum Uerde verspriechen Bestännegkeet (stabilitas), bestänneg Ëmkéier (conversatio morum) a Gehorsam (oboedientia). Si liewen a Kléischter déi entweder Abteie sinn (méi wéi 12 Memberen a vum Poopst zur Abtei erhuewen, mat engem Abt/Äbtissin un der Spëtzt), oder Prioraten (ofhängeg vun enger Abtei oder selbstänneg, mat engem Prior/Priorin un der Spetzt). D'Abteien an d'Priorater sinn a verschidde Kongregatiounen zesummegefaasst. Weltwäit gehéieren ongeféier 1400 Männer an ongeféier 870 Fraen zum Zisterzienseruerden (September 2005).

Um Spaweck[änneren | Quelltext änneren]

Commons: Zisterzienser – Biller, Videoen oder Audiodateien