Adlerfar

Vu Wikipedia
Op d'Navigatioun wiesselen Op d'Siche wiesselen
Adlerfar
Pteridium aquilinum (habitus).jpg
Adlerfar
An anere Sproochen fr: fougère aigle, grande fougère
de: Adlerfarn
Wëssenschaftlech Klassifikatioun
Räich Planzeräich
Klass Faren
Uerdnung Polypodiales
Famill Dennstaedtiaceae
Gattung Pteridium
Wëssenschaftlechen Numm
Pteridium aquilinum
(L.) Kuhn

Den Adlerfar (Pteridium aquilinum) ass eng Farenaart, déi praktesch, mat Ausnahm vu Polar- a Wüstegéigenden, op der ganzer Welt verbreet ass. Zu Lëtzebuerg fënnt een e virun allem am Gréngewald an an de Bëscher vun der a ronderëm d'Regioun Mëllerdall.[1]

Charakteristiken[änneren | Quelltext änneren]

Adlerfar (Pteridium aquilinum), Illustratioun.

Dem Adlerfar säi Rhizom wiisst ënnert dem Buedem a ka wäit verzweigt an al ginn. Vun do wuessen ënnerierdesch Ausleefer, vu wou aus nei Stäck erauskommen. Nieft dëser vegetativer Fortplanzung kann e sech, wann d'Klima et zouléisst, och geschlechtlech iwwer Spore verbreeden, déi als Anemochorie vum Wand verspreet ginn.

Um Rhizom entsinn all Joers eenzel nei Stiller (de: "Wedel"), déi liicht no ënne gebéit sinn, an un deenen 3 bis 4 mol gefidert sinn. Si kënnen 0,5 bis 2 Meter héich ginn.

D'Sori stinn um Bord vun der ënneschter Säit vun de Blatfideren a si vun enger Zort Schleier (Indusium) a vum ëmgerullte Rand vum Blietche bedeckt.

Adlerfar ass gëfteg.

E wiisst gär an net ze dicht bewuessene Bëscher oder um Bord vu Bëscher, wourënner Eechen- a Bichebëscher (Quercion roboris a Luzulo-Fagenion)

Systematik[änneren | Quelltext änneren]

D'Systematik vum Adlerfar ass net ganz kloer: Heiansdo gëtt en als eenzeg Aart vu senger Gattung ugesinn, heiansdo ginn nach aner tropesch Aarte mat bei d'Gattung Pteridium gezielt. Jee no Auteur gehéiert en zu der Famill vun den Dennstaedtiaceae, den Hypolepidaceae oder de Pteridaceae. Déi ginn och nees a verschidden Uerdnungen aklasséiert.

A Mëtteleuropa ënnerscheet een no zwou Ënneraarten:

  • Pteridium aquilinum subsp. aquilinum a
  • Pteridium aquilinum subsp. latiusculum

Literatur[änneren | Quelltext änneren]

  • Bernhard Marbach, Christian Kainz: Farne, Moose, Flechten. 2. Oplo, BLV Buchverlag, München 2010, ISBN 978-3-8354-0664-3, S. 18.

Um Spaweck[änneren | Quelltext änneren]

Commons: Adlerfar (Pteridium aquilinum) – Biller, Videoen oder Audiodateien

Referenzen[Quelltext änneren]

  1. https://pteridophytes.lu/pteridium-aquilinum/