Albert Steffen

Vu Wikipedia
Op d'Navigatioun wiesselen Op d'Siche wiesselen

Den Albert Steffen, gebuer den 8. Mäerz 1884 zu Kapellen, a gestuerwen den 1. Juni 1962, war e lëtzebuergeschen Historiker.

No senger Première ass den Albert Steffen an de Seminaire agetratt. Hien huet Theologie studéiert a gouf duerno fir d'éischt Koadjutor am Dikrecher Konvikt, dunn, vun 1915 un, am Konvikt an der Stad Lëtzebuerg. Hien huet zu Paräis a Berlin virustudéiert, an en Doktorat an Däitsch a Griichesch gemaach.

1922 gouf e Professer am Stater Kolléisch fir Relioun a Latäin.

Hie war Sekretär vun der historescher Sektioun vum Institut grand-ducal, President vun der Gesellschaft Ons Hémecht a vun 1948 bis zu sengem Doud Coordinateur vun der Zäitschrëft 't Hémecht.

Den Albert Steffen huet sech virun allem mat der Geschicht vum 17. Joerhonnert befaasst, besonnesch mam Jean Beck an der Famill Wiltheim, an huet iwwer déi éischt Jesuiten zu Lëtzebuerg gefuerscht, an domat verbonnen, de Bau vum Athenaeum a vun der Kathedral. 1935 huet en eng Baugeschichte der Luxemburger Jesuitenkirche erausginn. Och iwwer d'Iechternacher Abtei huet en an der Hémecht geschriwwen.

Kuckt och[änneren | Quelltext änneren]