Alexander Schallenberg
| Alexander Schallenberg | |
|---|---|
 | |
| Gebuer |
20. Juni 1969 Bern |
| Nationalitéit | Éisträich |
| Educatioun |
Universitéit Wien, Universitéit Panthéon-Assas, Collège d'Europe |
| Aktivitéit | Jurist, Politiker |
 | |
Den Alexander Georg Nicolas Christoph Wolfgang Tassilo Schallenberg, gebuer den 20. Juni 1969 zu Bern, an der Schwäiz, ass en éisträichesche Jurist, Diplomat a Politiker (ÖVP).
Hie gouf den 11. Oktober 2021 Bundeskanzler vun der Republik Éisträich, ass awer schonn nees den 2. Dezember dat Joer zeréckgetrueden. Virdru war hie vum Januar 2020 u Minister fir Aussen- an Europabezéiungen an der Regierung Kurz II, a vu Juni 2019 bis Januar 2020 Ausseminister an der Regierung Bierlein.
Hien huet vun 1997 am Ausseministère geschafft a war vun 2000 bis 2005 Direkter vun der Droitssektioun op der Permanenter Representatioun vun Éisträich bei der Europäescher Unioun. Dono war hie Porte-parole vun den Ausseministeren Ursula Plassnik a Michael Spindelegger. 2013 gouf hien, ënner dem Ausseminister Sebastian Kurz Direkter vun der Zell fir Aussepolitesch Planifikatiounen. 2016 gouf hien Direkter vun der Europa-Sektioun am Ausseministère.
Nodeems den Dossier Europapolitik vum Ausseministère an d'Bundeskanzleramt transferéiert gi war, gouf de Schallenberg den 1. Mäerz 2018 Direkter vun der EU-Koordinatiounssektion vum Bundeskanzleramt.
Gielercher
[änneren | Quelltext änneren]
Großes Silbernes Ehrenzeichen mit dem Stern für Verdienste um die Republik Österreich[1].
Publikatiounen
[änneren | Quelltext änneren]- mam Christoph Thun-Hohenstein: Die EU-Präsidentschaft Österreichs: eine umfassende Analyse und Dokumentation des zweiten Halbjahres 1998. Manz, Wien 1999, ISBN 978-3-214-01939-6.
Um Spaweck
[änneren | Quelltext änneren]| Commons: Alexander Schallenberg – Biller, Videoen oder Audiodateien |
- De Bundeskanzler Alexander Schallenberg op bundeskanzleramt.gv.at (gekuckt 2021-10-13)