Alexandre Wiltheim

Vu Wikipedia
Op d'Navigatioun wiesselen Op d'Siche wiesselen
Plack um Gebuertshaus (domus natalis) vun de Gebridder Wiltheim, déi "als Éischt Liicht an dat réimescht Lëtzebuerg bruecht hunn" (lumen adhibuere primi Luxemburgo romano).

Den Alexander oder Alexandre Wiltheim, gebuer den 8. Oktober 1604 an der Stad Lëtzebuerg an och do gestuerwen de 15. August 1684[1], war e Schrëftsteller an Historiker.

Liewen[änneren | Quelltext änneren]

Hie war dat 10. Kand vum Jean de Wiltheim an der Marguerite Brenner vu Veianen. Wéi säi Brudder Jean-Guillaume gouf och den Alexandre Jesuit. Hien huet sechs Joer laang Rhetorik am Kolléisch dozéiert, wou e Rekter gouf, dat en dunn och sechs Joer, bis zu sengem Doud, war.

Den Alexandre Wiltheim huet op latäin, franséisch an och alt däitsch geschriwwen. Eng drësseg Wierker vun him si bekannt, dorënner en Theaterstéck (Vellio), dat seng Schüler 1638 gespillt hunn. Soss huet hie sech mat der Yolanda vu Veianen ofginn, mat theologesche Froen a mat Märtyrer. D'Wierk Viri illustres luxemburgenses ass vun him oder vu sengem Brudder Jean-Guillaume, dat konnt net erausfonnt ginn.

Säi gréisst Wierk ass Luxemburgum Romanum, dat awer eréischt 1842 vum Auguste Neyen publizéiert gouf. Verschidde vu senge Manuskripter si bis haut net verëffentlecht ginn.

Den Alexandre Wiltheim huet ausserdeem antik Mënze gesammelt.

Säi Gebuertshaus steet um Krautmaart, vis-à.vis vun der Chamber, e Gebai an deem haut Büroe vun der Chamber sinn (virdrun d'Dresdner Bank). Um Eck mat der Waassergaass hänkt eng Erënnerungsplack un hien an u säi Brudder Jean Guillaume.

Wierk[änneren | Quelltext änneren]

  • August Neyen (Ed.): Wiltheim, Alexander: Luciliburgensia sive Luxemburgum Romanum, hoc est Arduennae veteris situs, populi, loca prisca ... iam inde a Caesarum temporibus Urbis adhaec Luxemburgensis incunabula et incementum investigata atque a fabula vindicata. Kuborn, Luxemburg 1841–1842

Literatur[änneren | Quelltext änneren]

  • Jean Krier (Archeolog), Edmond Thill & Raymond Weiller, Alexandre Wiltheim 1604-1684. Sa vie - Son oeuvre - Son siècle. Bilan d'une exposition, Musée d'Histoire et d'Art, Luxembourg; Lëtzebuerg, 1984.
  • Jean Krier, Die letzten Lebensjahre Alexander Wiltheims und die Niederschrift der 'Luciliburgensia Romana'  ; in: Le Luxembourg en Lotharingie / Luxemburg im Lotharingischen Raum - Mélanges Paul Margue / Festschrift Paul Margue ; Lëtzebuerg, Sankt-Paulus-Verlag, 1993; Ss. 339-344.
  • Ch.M.T. (= Charles-Marie Ternes), Alexandre Wiltheim (1604-1684) ; in: Luxemburgensia aus Stadtbibliothek und Stadtarchiv Trier - Bibliophile Kostbarkeiten und wertvolle Archivalien aus 1000 Jahren erausgi vum Ulrich Lehnart; Stadbibliothéik Tréier, 2002; 264 Säiten; vgl. hei d'Ss. 112-115!
  • Nicolette Brout, Alexandre et son frère Jean-Guillaume Wiltheim, historiens de leur région ; in: Humanités et humanisme dans la cité des Trévires, Akte vum internationale 'Colloque' (10.-11. Oktober 2003) am Stater Kolléisch, erausgi vun der Union latine, Paräis, 2004; Ss. 101-120. ISBN 92-9122-009-4

Um Spaweck[änneren | Quelltext änneren]

Commons: Alexandre Wiltheim – Biller, Videoen oder Audiodateien
  1. Jean Krier (Archeolog), Edmond Thill & Raymond Weiller, Alexandre Wiltheim 1604-1684. Sa vie - Son oeuvre - Son siècle. Bilan d'une exposition, Musée d'Histoire et d'Art, Luxembourg; Lëtzebuerg, 1984, S. 52 a 54 (N° cat. 43)