Alexei Anatoljewitsch Nawalny

Vu Wikipedia
(Virugeleet vu(n) Alexei Nawalny)
Dësen Artikel iwwer e Politiker ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.
Alexei Anatoljewitsch Nawalny
Gebuer 4. Juni 1976
Gestuerwen 16. Februar 2024
Doudesursaach onbekannt
Nationalitéit Sowjetunioun, Russland
Educatioun Yale Universitéit,
Yale World Fellows Program
Aktivitéit Politiker, Affekot, Aktivist
Partei Jabloko
Member vun Russeschen Oppositiouns-Koordinatiounsrot, Yale World Fellows Program
Famill
Bestuet mat Julija Borissowna Nawalnaja
Papp Anatoly Nawalny
Mamm Ljudmila Nawalnaja
Geschwëster Oleg Nawalny
Kanner Darja Nawalnaja, Sachar Nawalny

Den Alexei Anatoljewitsch Nawalny (op Russesch: Алексей Анатольевич Навальный), gebuer de 4. Juni 1976 am Duerf Butyn am Distrikt Odinzowo am Oblast Moskau[1], a gestuerwen de 16. Februar 2024 zu Charp am Jamal-Nenzeschen Autonome Krees, war e russeschen Affekot, Blogger[2], ë. a. YouTuber[3], Politiker a politeschen Aktivist[4]. An der Zäit vun der Regierung Putin-Medwedew gouf hien als ee vun de Leadere vun der russescher Oppositioun bekannt[5],[6],[7]. Wéinst enger Verurteelung an engem kontestéierte Prozess gouf him verbueden, weider Kandidat fir déi russesch Presidentschaft 2018 ze bleiwen[8].

2012 war en onofhängege Kandidat fir Moskauer Buergermeeschter ze ginn, a koum op déi zweet Plaz[5].

Den Nawalny war e bekannten Aktivist géint d'Korruptioun a Russland[2],[9], a war de Grënner vun der Fondatioun fir Korruptiounsbekämpfung (Fond borby s korrupzijei)[10]. Seng Documentairen Tschaika (2015, iwwer de russesche Generalprocureur Juri Tschaika, seng Filssen an d'Korruptiounsaktivitéit vun dëser Famill) an On wam ne Dimon ("Dir sollt hien net Dimon nennen"/2017, iwwer de komplizéierte System vun der Korruptiounsaktivitéit vum Ex-Ministerpresident Medwedew) hate grousse Succès. Honnertdausenden a souguer Millioune Leit hunn d'Filmer op YouTube gekuckt[11],[12].

Den Alexei Nawalny a seng Ënnerstëtzer gi vum putinistesche Regimm aktiv verfollegt[13],[14],[15],[16]. Am August 2019 huet hien eng Attack mam Nervegëft Nowitschok knapps iwwerlieft[17] a gouf zu Berlin nees gesond gefleegt[18]. Dono ass hien nees a Russland geflunn, a gouf direkt wéi en do ukoum festgeholl, mam Virworf, d'Oploe vu sengem konditionéierte Fräigang net respektéiert gehat soll hunn[19]. Kuerz dono huet seng Organisatioun Dworez dlja Putina ("De Palais fir de Putin", international bekannt als Putin's Palace) op YouTube publizéiert, an deem gewise gouf, wéi de Putin e geheimen, honnerte vu Milliounen deiere Palais gebaut krut. Den Nawalny gouf an dräi Prozesser alles an allem zu 19 Joer Stroflager veruerteelt[20].

De 16. Februar 2024 ass den Nawalny am Alter vu 47 Joer am Prisong gestuerwen[21]. D'Julija Nawalnaja, Wittfra vum Nawalny, huet doropshin deklaréiert, datt si d'Aarbecht vun hirem Mann weiderméich[22].

Um Spaweck[änneren | Quelltext änneren]

Commons: Alexey Navalny – Biller, Videoen oder Audiodateien

Referenzen[Quelltext änneren]

  1. https://lenta.ru/lib/14159595/
  2. 2,0 2,1 https://www.newyorker.com/magazine/2011/04/04/net-impact
  3. http://www.bbc.com/russian/news-42501721
  4. https://newtimes.ru/articles/detail/137007
  5. 5,0 5,1 http://www.km.ru/v-rossii/2013/09/20/vladimir-putin/721060-putin-priznal-alekseya-navalnogo-liderom-oppozitsii
  6. https://www.dp.ru/a/2017/04/05/Tot_samij_personazh_kak_n
  7. https://www.rtl.lu/news/national/a/2170764.html
  8. http://p.dw.com/p/2pxHL
  9. http://www.nytimes.com/2011/03/28/business/global/28investor.html?_r=0
  10. https://www.vedomosti.ru/library/articles/2012/02/13/pesnya_o_blogere
  11. http://www.colta.ru/news/9431
  12. http://www.nedelya.ru/view/199649
  13. http://p.dw.com/p/2XAoy
  14. http://p.dw.com/p/2rPM7
  15. https://meduza.io/news/2017/10/06/predlagayut-vybrat-odnogo-iz-odnogo-andrey-zvyagintsev-potreboval-dopustit-navalnogo-na-vybory
  16. https://www.svoboda.org/a/28831654.html
  17. "Russian opposition leader Alexei Navalny 'poisoned'." bbc.com, 20 August 2020; archivéiert
  18. "Navalny Taken Off Ventilator as Novichok Recovery Continues – German Hospital. The Moscow Times, 1.09.2019.
  19. "Alexei Navalny ordered to be detained on[ return to Russia, say officials." The Guardian, 14.01.2021
  20. https://www.currenttime.tv/a/tri-goda-nazad-aleksey-navalnyy-priletel-v-rossiyu-i-srazu-byl-zaderzhan/32777585.html
  21. (lb)War kuerz nom Spadséiere goe vu sech: Den Oppositiounsleader Alexej Nawalny ass am Prisong gestuerwen. www.rtl.lu. Gekuckt de(n) 2024-02-16.
  22. https://meduza.io/feature/2024/02/20/yuliya-navalnaya-zayavila-chto-prodolzhit-delo-svoego-muzha-nam-snova-est-na-chto-nadeyatsya