Alphonse Weicker

Alphonse Weicker
Gebuer	14. Januar 1891 Sandweiler
Gestuerwen	12. Februar 1973 Sandweiler
Nationalitéit	Lëtzebuerg
Aktivitéit	Foussballspiller, Affekot, Ekonomist
Positioun oder Spezialitéit	Golkipp
Veräin/Ekipp	Racing FC Union Lëtzebuerg, Lëtzebuergesch Foussballnationalekipp
Famill
Papp	Jean-Baptiste Weicker

Den Alphonse Weicker, gebuer de 14. Januar 1891 zu Sandweiler, an do gestuerwen den 12. Februar 1973, war e lëtzebuergesche Banquier an Ex-Foussballspiller.

Säi Papp war de Politiker an Agronom Jean-Baptiste Weicker.

Karriär

1919 war hie mam Léandre Lacroix Matgrënner vun der Banque générale du Luxembourg (BGL). Vun 1919 bis 1969 war hien Administrateur délégué a vun 1969 bis 1971 Administrateur vun der BGL.

Vun 1950 bis 1958 war hie President vum Cercle artistique de Luxembourg, a vun 1953 bis 1966 President vun der FEDIL.

Fir un hien z'erënneren dréit eng Stëftung vun der BGL säin Numm, an um Kierchbierg krut de 14. Oktober 1974 eng Strooss den Numm Rue Alphonse Weicker, deen 2017 och op en Arrêt vun der Tramslinn T1 iwwerdroe gouf.

Aktivitéit am Sport

Hie stoung den 29. Oktober 1911 fir déi éischt Lëtzebuergesch Foussballnationalekipp am Gol.

Gielercher

• Commandeur vum Ordre de la couronne de chêne (Promotioun 1960)

Literatur

• Beck, F., 2011. Was bedeuten die Straßennamen der Stadt? In: Ons Stad, 97 (2011), S. 64 (rue Alphonse Weicker). [1]
• Reuter, A., 2003. Alphonse Weicker (1891-1973). In: 400 Joer Kolléisch, Vol. 2: L'Athénée et ses grands anciens. Luxembourg, S. 373.

Kuckt och

• Portal Sport
• Lëscht vu lëtzebuergesche Sportler
• Lëscht vu lëtzebuergeschen Olympionicken
• Lëtzebuergesch Sportler vum Joer