André Thyes

André Thyes
André Thyes
Gebuertsnumm	Andreas Thyes
Gebuer	25. Mee 1867; Lëtzebuerg
Gestuerwen	3. Abrëll 1952; Lëtzebuerg
Nationalitéit	Lëtzebuerg
Educatioun	Technesch Universitéit München,; Kathoulesch Universitéit vu Léiwen,; Royal Academy of Fine Arts
Aktivitéit	Moler
Auteursrechter	Auteursrechter sinn ofgelaf
Member vun	Cercle artistique de Luxembourg
Gielercher	Officier vum Ordre de la couronne de chêne, Prix Grand-Duc Adolphe, Officier vum Ordre de Mérite civil et militaire d'Adolphe de Nassau
Famill
Papp	Alphonse Thyes
Geschwëster	Marguerite Thyes
Kanner	Léon Thyes

Dësen Artikel beschäftegt sech mat dem Moler André Thyes. Fir Persoune mat dem selwechten Numm, kuckt wgl. André Thyes (Homonymie).

Den André Thyes, gebuer de 25. Mee 1867^[1] an der Stad Lëtzebuerg, och do gestuerwen den 3. Abrëll 1952,^[2] war e lëtzebuergesche Moler.

Den André Thyes huet zu München, Antwerpen, Paräis a Léiwen Konscht studéiert an ass 1894 an der Stad als Zeecheproff ugestallt ginn.

Schonn ee Joer virdru war hie mat derbäi, wéi de Cercle artistique de Luxembourg gegrënnt gouf, a vun 1904 bis 1910 deem säi President. Bis 1933 war e Konschtprofesser an der Industrieschoul.

Säi Wierk besteet virun allem aus Landschaftsbiller, Aquarellen an Uelegbiller, déi am Stil vum Impressionismus a Pointillismus gemoolt sinn.

Hie gouf mam Prix Grand-Duc Adolphe 1915 ausgezeechent.

Den André Thyes war de Papp vum Schrëftsteller Léon Thyes.