AnnALes Athénée de Luxembourg

Vu Wikipedia
Op d'Navigatioun wiesselen Op d'Siche wiesselen
Den éischte Band vun den annALes (2007-2008).

annALes [de l'] Athénée de Luxembourg, mam Ënnertitel d'annALe vum Staadter Kolléisch[1], ass den Numm vun enger Publikatiounsserie, déi ënner dem Direkter Joseph Salentiny eemol am Joer vum Kolléisch erausgi gouf.

Déi zwéi grouss Buschtawen am Numm si vun der gebräichlecher Ofkierzung vum Numm vun der Schoul ofgeleet: AL, Athénée de Luxembourg.

Haaptziler vun der Publikatioun sinn:

  • d'Schoulcommunautéit virzestellen;
  • d'Chronik vum virege Schouljoer ze presentéieren;
  • eng Tribün z'offréiere fir Perséinlechkeeten déi dem Kolléisch nostinn.

Haaptverantwortleche vun der Publikatioun (rédacteur en chef) bis de Band 10 war de Professer Guy Weirich. Fir de Band 11 war et de Professer Christian Reidenbach.

Den éischte Band ass am September 2008 eraus komm. D'Artikele sinn op Franséisch, Däitsch, Englesch a Lëtzebuergesch geschriwwen. Zu jiddwerengem Band gehéieren zwou DVDe mat Fotoen a Filmsequenzen aus dem Liewe vun der Schoul; zënter 2017 goufen d'DVDen duerch en USB-Stick ersat. De leschte Band ass am Mee 2019 eraus komm.

D'Serie koum am Format 29,7 × 23,2 cm eraus.

Bibliographesch Referenzen[änneren | Quelltext änneren]

Literatur[änneren | Quelltext änneren]

  • Salentiny, J. & Guy Weirich (am Gespréich), Eine Schulgemeinschaft im besten Licht; in: annALes Nr. 11 / 2017-2018; Ss. 20-23 (betrëfft de Projet annALes, seng Realisatioun a seng Bedeitung fir d'Communauté athénéenne).

Kuckt och[änneren | Quelltext änneren]

Um Spaweck[änneren | Quelltext änneren]

Notten[Quelltext änneren]

  1. Am leschte Band Nr 11 ass d'Schreifweis den neie Reegelen ugepasst: d'annALe vum Stater Kolléisch.