Anna Lindh
| Anna Lindh | |
|---|---|
 | |
| Gebuertsnumm | Ylva Anna Maria Lindh |
| Gebuer | 19. Juni 1957 |
| Gestuerwen | 11. September 2003 |
| Alter | 46 Joer |
| Nationalitéit | Schweden |
| Educatioun | Universitéit Uppsala |
| Aktivitéit | Politikerin, Diplomatin |
| Partei | SAP |
| Fonctioun | President vum Verwaltungsrot |
| Famill | |
| Bestuet mat | Bo Holmberg (1991–11.9.2003) |
 | |
D'Ylva Anna Maria Lindh, gebuer den 19. Juni 1957 am Stockholmer Quartier Enskede, a gestuerwen den 11. September 2003 zu Stockholm, war eng schweedesch Politikerin (SAP).
Karriär
[änneren | Quelltext änneren]D'Anna Lindh ass an der Stockholmer Aarbechterbanlieue Enskede op d'Welt komm. 1982 huet si hiert Droitsstudium ofgeschloss. Vun 1984 bis 1990 war si Presidentin vum sozialdemokratesche Jugendverband Unga örnar. 1982 gouf si fir d'éischt an dat schweedescht Parlament gewielt, a war vun 1990 un zoustänneg fir d'Kultur an der Stad Stockholm.
Ministesch
[änneren | Quelltext änneren]1994 gouf si als Ëmweltministesch ernannt, an 1998 als Ausseministesch an der Regierung vum Ministerpresident Göran Persson. Am éischte Semester 2001 hat si d'Presidence vum Conseil vun der Europäescher Unioun.
Zur Lescht huet si sech fir de Bäitrëtt vu Schweden zum Euro agesat; eng Majoritéit vun de Schweden huet an engem Referendum de 14. September 2003 dergéintgestëmmt.
Véier Deeg virum Referendum, den 10. September 2003 war si ënnerwee, fir an engem Kleedergeschäft anzekafen. Do huet e 25-järege Mann si mat engem Messer ugegraff a sou staark blesséiert, dass se den Dag drop mueres un de Blesse gestuerwen ass. De Mäerder gouf, an Appell, zu liewenslaangem Prisong verurteelt.[1]
Éierung
[änneren | Quelltext änneren]2005 gouf hir zu Éieren d'Anna-Lindh-Stëftung gegrënnt[2].
Stroossen, Gebaier a Schoulen goufen no hir genannt. Zu Lëtzebuerg sinn dat Stroossen zu Mamer[3] an zu Déifferdeng[4].
Literatur
[änneren | Quelltext änneren]- (sv) Olle Svenning: Anna Lindh – en minnesbok. Norstedt Verlag, Stockholm 2003, ISBN 91-1-301315-7
Um Spaweck
[änneren | Quelltext änneren] |
Commons: Anna Lindh – Biller, Videoen oder Audiodateien |
Referenzen
[Quelltext änneren]- ↑ "Lindh-Mörder: Lebenslang statt psychiatrischer Einweisung." derstandard.at, 04.12.2004.
- ↑ Websäit vun der Stëftung
- ↑ Rue Anna Lindt Mamer rues-au-feminin.lu.
- ↑ Rue Anna Lindt Differdange rues-au-feminin.lu.