Arabesch Hallefinsel

Vu Wikipedia
Wiesselen op: Navigatioun, sichen
Arabesch Hallefinsel, Satellittebild

D'Arabesch Hallefinsel (arabesch: جزيرة العرب Dschazīrat al-cArab), och einfach Arabien, ass tëscht Südwest-Asien, zu deem se gehéiert, an Nordost-Afrika an erstreckt sech ongeféier vun Nord-Westen no Süd-Osten. Si ass déi drëttgréisst Hallefinsel vun der Welt. Zesumme mat e puer ugrenzende Staaten bilt se de Noen Osten.

Am Osten grenzt d'Hallefinsel un de Persesche Golf an de Golf vun Oman. Un der südlecher Säit gëtt se vum Arabesche Mier, dat zum Indeschen Ozean gehéiert, a vum Golf vun Aden begrenzt. Am Weste schléissen sech de Suezkanal an d'Rout Mier un.

Tektonesch gesi bilt d'Hallefinsel déi Arabesch Plack. Geologesch gesi gehéiert d'Hallefinsel zu der aler afrikanescher Kontinentalmass, och wa se duerch de Gruefbroch vum Roude Mier getrennt ass. D'Hallefinsel ass mat der Grousser Nefud an der Rub al-Chali am Süden bal vollstänneg e Wüstegebitt.

Op der arabescher Hallefinsel an de virgelagerten Inselen leien déi haiteg Staaten Saudi-Arabien, Jemen, Oman, Irak, Vereenegt Arabesch Emiraten, Bahrain, Katar a Kuwait. Vun dëse Staaten ass Saudi-Arabien, dat haut ëmgangssproochlech dacks mat der Bezeechnung Arabien gemengt ass, dat bei wäitem gréisste Land. Un d'Regioun grenzen ausserdeem nërdlech d'Staaten Egypten a Jordanien.

Geschicht[änneren | Quelltext änneren]

Geschicht virum Mohammed[änneren | Quelltext änneren]

E fréit Räich op der a wäiten Deeler onbewunnbarer Arabescher Hallefinsel war am Süden dat legendärt Saba. Am 3. Joerhonnert v. Chr. huet d'Räich Himyar, dat un der südwestlecher Spëtzt louch, u Muecht gewonnen; et huet säin Herrschaftsberäich an de folgende Joerhonnerten bis no Somaliland a Sansibar ausgedehnt an huet ëm 300 och Hadramaut eruewert, dat wéinst sengem Wäirauch- a Myrrhe-Ubau säit alters hier bekannt war. Vun 355 bis 378 huet Abessinien d'Räich Himyar ënnerworf an et christianiséiert. Ënner dem Schutz vun den Sassaniden ass et, um Ufank vum 6. Joerhonnert dem Himyarkinnék Nuwas (Yusuf) gelongen, e Groussräich am Süde vun der Insel opzeriichten; Den Nuwas huet de jiddesche Glawen ugeholl. No der Chrëschteverfollegung duerch de Nuwas huet Abessinien d'Räich ënnerworf. Den Abessinier sinn 572/75-628/30 d'persesch Sassaniden gefollegt.

An Ënnerarabien ass d'Kinda-Federatioun derwäert ernimmt ze ginn. Am Norde gouf et fir d'éischt d'Nabatäer, dunn d'Räich Palmyra, spéider och nach d'Räicher vun de Ghassaniden an d'Lachmiden, déi zum Schluss och vun de Perser eruewert goufen. Am Westen stoung den Oman, zäitgläich mam Jemen ënner persescher Kontroll, d'Régioun Jamama huet nach bis zum Doud vum Mohammed eng eege Roll gespillt.

Um Spaweck[änneren | Quelltext änneren]

Commons: Arabian Peninsula – Biller, Videoen oder Audiodateien