Arbre de la paix (Skulptur)

Arbre de la paix

Typ	Skulptur
Land	Lëtzebuerg
Gemeng	Lëtzebuerg
Plaz	Garer Quartier
Koordinaten	49°36'26,78"N, 6°7'37,02"O
Ageweit	6. Oktober 2019
Material	Bronz
Kënschtler	Hedva Ser

De Friddensbam beim Vëloswee 31b

Plack um Sockel

De Friddensbam, offiziell Arbre de la paix ass eng Skulptur vun der Hedva Ser am Garer Quartier vun der Stad Lëtzebuerg. Se steet bei der Metzer Plaz, laanscht de Vëloswee 31b, an der Afaart fir op d'Vëlos- a Foussgängerbréck ënnert der Neier Bréck.

D'Skulptur gehéiert zu enger Serie vu Friddensbeem déi d'Kënschtlerin am Kader vun hirem Kampf fir en interkulturellen Dialog zanter 2007 uechter d'Welt opstellt. De Lëtzebuerger Friddensbam gouf de 6. Oktober 2019 ageweit, dëst am Kader vun de 50 Joer Fräiwëllegenarméi an den 175 Joer Militärmusek zu Lëtzebuerg, Anniversairen déi allebéid 2017 gefeiert goufen.

Um Sockel vun der Skulptur ass eng Plack ugemaach, wou dëst drop steet:

A l'occasion du

50^e anniversaire

du Corps des Volontaires de l'Armée

et du

175^e anniversaire

de la Musique Militaire Grand-Ducale

Sculpture "Arbre de la Paix"

de Hedva Ser, Artiste de l'Unesco pour la Paix

Symbolik

Der Kënschtlerin no, ass dat éischt Element vum Friddensbam d'Symbol Chai (חַי), e Wuert aus dem Hebräesche wat souvill wéi Liewe bedeit. Dat zweet Element ass de Shin, (ܫ) wat op Hebräesch den éischte Buschtaf vum Wuert Shalom an op Arabesch, den éischte Buschtaf vum Wuert Salam ass.

Dat drëtt Element vun der Skulptur ass d'Dauf, Symbol vun der Hoffnung an der Fräiheet. D'Dauf sëtzt op engem Aascht an ass prett fortzefléien, fir zum Fridden an zur Léift tëscht den Natiounen opzeruffen. Dat lescht Element vun der Skulptur ass eng Moundséchel, d'Symbol vum Islam.

Um Spaweck

• Monument d'honneur bei der Metzer Plaz ageweit op rtl.lu de 6. Oktober 2019, gekuckt de 26. Abrëll 2020
• Ein Friedensbaum für das Militär op wort.lu den 11. Oktober 2018, gekuckt de 26. Abrëll 2020