Arrondissement Harju

Dëse Geographiesartikel iwwer Estland ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Arrondissement Harju
(et) Harju maakond
Allgemenges
	Arrondissement an Estland
Chef-lieu	Tallinn
Demographie
Awunner	646.315
	1. Januar 2024
Geographie
Koordinaten	59°20'N, 25°0'O
Fläch	4.326,7 km²
Grenzt un	Lääne-Viru, Lääne, Rapla, Järva
Kaart mat der Lag

Den Arrondissement Harju (et. Harju maakond) ass ee vun de 15 Arrondissementer an Estland. De Chef-lieu ass Tallinn.

Den Arrondissement huet 646.315 Awunner (Stand 1. Januar 2024) an ass 4.326,7 km² grouss; d'Bevëlkerungsdicht läit deemno bei 149,38 Awunner / km².

Geographie

Den Arrondissement Harju läit un der Südküst vum Golf vu Finnland a grenzt am Südwesten un d'Arrondissementer Lääne, am Süden u Rapla a Järva an am Osten u Lääne-Viru.

Geschicht

Am Mëttelalter war dës Regioun als Harrien bekannt a war am Besëtz vun Dänemark. S'ass dunn un den Däitschen Uerden iwwergaangen a schliisslech ënner schweedesch Herrschaft komm. D'Ritterschaft vun Harrien-Wierland, e Virgänger vun der estnescher Ritterschaft, gouf an dëser Regioun gegrënnt.

Verwaltung

Zënter der Verwaltungsreform vun 2017 besteet den Arrondissement aus follgende 4 Stied an 12 Landgemengen:

• Stied: Tallinn, Maardu, Keila, Loksa;
• Landgemengen: Anija, Harku, Jõelähtme, Kiili, Kose, Kuusalu, Lääne-Harju, Raasiku, Rae, Saku, Saue, Viimsi.

Um Spaweck

Commons: Arrondissement Harju – Biller, Videoen oder Audiodateien