Aurelius an Natalia
| Aurelius an Natalia | |
|---|---|
| Titel | |
| Biographie | |
| Aner Informatiounen | |
| Statut | Hellegen |
| Gedenkdag | 27. Juli |
 | |
Aurelius an Natalia, gestuerwen 852, war eng chrëschtlech Koppel, déi vum Abd ar-Rahman II., Emir vu Córdoba higeriicht gouf, well se refuséiert hunn, hire Glawen opzeginn.
Si gi vun der kathoulescher Kierch an der orthodoxer Kierch als Märtyrer an Helleg ugesinn.
Liewen
[änneren | Quelltext änneren]Den Aurelius gouf an enger räicher Famill zu Sevilla gebuer. Säi Papp war e muslimeschen Araber a seng Mamm eng Chrëschtin aus Spuenien. Hie war fréi e Weesekand a gouf vun enger Tatta opgezunn, déi warscheinlech heemlech eng Chrëschtin war. Zu där Zäit goufen d'Chrëschten an de mauresche Kinnekräicher vu Spuenie verfollegt.[1]. Den Aurelius huet d'Sabigotho bestuet, e Meedchen aus enger muslimescher Famill. Nom Bestietnes huet d'Sabigotho decidéiert, sech zum Chrëschtentum ze konvertéieren an huet den Numm Natalia ugeholl. D'Koppel huet am Emirat Córdoba gewunnt, eng Duechter kritt an heemlech als Chrëschte gelieft. Deemools war d'Konvertéierung vum Islam zum Chrëschtentum e Verbriechen, dat mam Doud bestrooft konnt ginn.[2].
Enges Daags huet den Aurelius gesinn, wéi e chrëschtlechen Händler, dee säi Glawen u Christus bekannt gemaach hat, ëffentlech ausgepeitscht gouf. Schockéiert vun dësem Evenement hunn den Aurelius an d'Natalia decidéiert, datt si hire Glawen net méi verstoppe konnten. Si hu Sue fir hir Duechter op d'Säit geluecht an déi reschtlech Erspuernisser un déi Aarm verdeelt. Si hunn dunn ugefaangen, hire Glawen ëffentlech ze verkënnegen an sech ëm agespaart Chrëschten ze këmmeren.
 Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren. |
Éierungen
[änneren | Quelltext änneren]De Festdag vum Aurelius an der Natalia fält op de 27. Juli. Si gehéieren zu de Märtyrer vu Córdoba, 48 Chrëschten, déi an där Stad tëscht 850 an 859 n. Chr. higeriicht goufen.
D'Reliquie vum Aurelius ginn an engem Altor an der Kathedral vu Panama (Catedral Basílica Santa María la Antigua de Panamá) zu Panama versuergt[3].